როდესაც სამი წლის ძაღლი, სახელად ტიგი, ქალაქ ბლაითის ქუჩებში (ინგლისი) იპოვეს, 10,8 კგ-ს იწონიდა. კეთილმა ადამიანებმა ის თავშესაფარში გადაიყვანეს. ძაღლი ჩონჩხს მოგაგონებდათ და ბეწვი თითქმის სრულიად გაცვენილი ჰქონდა.

ლერჩერის ჯიშის მეტისი იმდენად საშინელ მდგომარეობაში იყო, რომ თავშესაფრის თანამშრომლები შოკში იყვნენ.

"თავიდან რომ ვნახეთ, მკვდარი გვეგონა. როდესაც ის ჩვენთან მოიყვანეს, ყველას თვალზე ცრემლი მოგვადგა", - ამბობს თავშესაფრის წარმომადგენელი, ჯენ როსი.



ტიგი ნამდვილი მებრძოლი აღმოჩნდა და ადამიანების დახმარებით, მალე გამოჯანმრთელდა.



ჯენიმ ტიგი სახლში წაიყვანა. წარმატების საიდუმლო მზრუნველობა,  სიყვარული, პარაზიტებზე დამუშავება და დღეში 12-ჯერ საკვების მიღება აღმოჩნდა, მაგრამ კვების ეს განრიგი მხოლოდ ერთი დღე გაგრძელდა. ტიგი მომდევნო დღეებში საკვებს დღეში 8-ჯერ იღებდა, ხოლო ახლა 3-ჯერ ჭამაც საკმარისია, თუმცა, განებივრებული ძაღლი ცდილობს, ჯენის გემრიელი სასუსნავები გამოსტყუოს.



ამჟამად ძაღლი 18 კგ-ს იწონის.





ჯენის თქმით, ტიგიმ გამოავლინა თავისი დადებითი ხასიათი - ის მხიარული, მოსიყვარულე და თამაშის მოყვარული შინაური ცხოველია.



თავშესაფრის თანამშრომლებმა ძაღლს მზრუნველი ოჯახიც უპოვეს - უახლოეს მომავალში ტიგი ახალ სახლში გადავა, სადაც მოსიყვარულე პატრონები ელოდებიან.



წყარო: boredpanda.com

ასევე იხილეთ:

გამვლელმა მომაკვდავი ძაღლის დახმარება გადაწყვიტა. 10 თვის შემდეგ ის მიხვდა, რომ ჰასკი გადაარჩინა

დაუძლურებული, გამხდარი ძაღლი ავტოგასამართ სადგურზე მივიდა... თანამშრომლებმა შეიფარეს, ხოლო 2 წლის შემდეგ, ცხოველმა მათ სამაგიერო გადაუხადა

ძაღლი, რომელმაც მთელი ცხოვრება ჯაჭვზე დაბმულმა გაატარა, სიყვარულმა რადიკალურად შეცვალა