error
  • JFTP::connect: Could not connect to host "127.0.0.1" on port 21
Warning: imagepng(): Unable to open '/var/www/html/www.zooclub.ge/cache/captcha/e510d05bb6aeee25c5f741e35317b2ad.png' for writing: No such file or directory in /var/www/html/www.zooclub.ge/libraries/wslib/html/captcha.php on line 831
ფუკუსიმას აკრძალულ ზონაში ცხოველთა სამყაროს ნამდვილი სამოთხეა (რა დააფიქსირა სათვალთვალო კამერამ?)
მიტოვებულ ატომურ ელექტროსადგურ "ფუკუსიმა–1"–ზე მომხდარი მძიმე ავარიიდან რამდენიმე წელი გავიდა. მის სიახლოვეს ბიოლოგებმა 20-ზე მეტი სახეობის ცხოველი აღმოაჩინეს. მათ შორის არიან ტახები, მაკაკები და ენოტები. მიღებული მონაცემებით, სპეციალისტები გამოიკვლევენ, თუ რა გავლენას ახდენს რადიაცია გარეულ ცხოველებზე.

ფუკუსიმა-1-ის ტრაგედიიდან თითქმის 9 წელი გავიდა. რადიაციული დაბინძურების გამო, ტერიტორიიდან 150 ათასი ადამიანის ევაკუირება მოხდა.

რამდენიმე თვის წინ ბიოლოგებმა რადიაციულ ზონაში კამერები დაამონტაჟეს. აღმოჩნდა, რომ ადამიანებისგან მიტოვებულ ტერიტორიაზე ცხოველთა სამყარო ყვავის.

ფოტოზე აღბეჭდილია იაპონური სეროუ

Zooclub

ჯორჯიის უნივერსიტეტის ეკოლოგმა, ჯეიმს ბისლიმ და მისმა კოლეგებმა, რადიაციულ ზონაში
106 კამერა დაამონტაჟეს. ოთხ-თვიანი კვლევის შედეგად, ამ ტერიტორიიდან  მათ მიიღეს 267 000 ფოტო. კადრებზე 20-ზე
მეტი ცხოველის სახეობაა ასახული. მათ შორის არიან მელიები, იაპონური კურდღლები და ხოხბები.

Zooclub

"ჩვენი მონაცემები პირველი მტკიცებულებაა იმისა, რომ ფუკუსმა-1-ის შემოგარენში, სადაც რადიაციის მაღალი მაჩვენებელია, უამრავი ცხოველი ბინადრობს", - ამბობს პროფესორი ბისლი.

სპეციალისტებმა აღმოაჩინეს, რომ ის ცხოველები, რომლებიც ადამიანების სიახლოვეს ვერასოდეს იცხოვრებენ (ტახები, ენოტები და იაპონური მაკაკები), სათვალთვალო კამერებმა დააფიქსირეს იქ, სადაც ადამიანებმა თავიანთი საცხოვრებელი ადგილები დატოვეს.

"ეს მანიშნებელია იმისა, რომ ადამიანების ევაკუაციის შემდეგ ამ სახეობების რაოდენობა მნიშვნელოვნად გაიზარდა", - ამბობს პროფესორი ბისლი.

შეგახსენებთ, რომ 2011 წლის 11 მარტს ძლიერი მიწისძვრისა და ცუნამის შედეგად, ატომურ ელექტროსადგურ "ფუკუსიმა–1"–ზე მძიმე ავარია მოხდა. რადიაციის გაჟონვის ოფიციალურად დადასტურების შემდეგ, ადამიანთა ევაკუაციის ზონა, ატომური სადგურიდან, 10 კმ-მდე რადიუსით გამოცხადდა.

Zooclub

უნდა აღინიშნოს, რომ რადიაციის ზონაში ბინადარი ცხოველების ქცევები არაფრით განსხვავდება მათი ჩვეული ქცევისგან, თუმცა, სპეციალისტებს მათი ჯანმრთელობის მდგომარეობის შესახებ ინფორმაცია არ აქვთ.

წყარო: dailymail.co.uk
კომენტარი ჯერ არ გაკეთებულა
დახმარება
  • რა ვაჭამოთ?
  • ჯიშები
  • სად ვიყიდოთ?
გამოკითხვა
რომელი ბრენდის საკვებს აჭმევთ თქვენს ძაღლს?