აპრილის თვეში, ცხოველთა დამცველების ხელში მოხვდა არსება, რომელიც მოგვიანებით ძაღლი აღმოჩნდა.
RSPCA-ს (რიჩმონდის ცხოველთა დაცვის ორგანიზაცია) წარმომადგენლის თქმით, პუდელი, სახელად "ლომის გული", მათ პატრონმა გადასცა. ამ შემთხვევას მომვლელებმა ერთ-ერთი ყველაზე შოკისმომგვრელი უწოდეს.
აღმოაჩნდა,
"როდესაც თავშესაფარში მოიყვანეს და პირველად დავინახე, ვერ ვიგებდი, თუ სად ჰქონდა თავი ან კუდი. არაფერი ჩანდა. დარწმუნებული ვარ, რომ ცხოველი თავს არაკომფორტულად გრძნობდა", - ამბობს ძაღლის მომვლელი.
პუდელზე ზრუნვა სპეციალისტებმა დაუყოვნებლივ დაიწყეს არა მხოლოდ მისი გარეგნობის გამო - იმისათვის, რომ ძაღლის ჯანმრთელობის მდგომარეობა შეემოწმებინათ, ცხოველს სისხლის ანალიზის აღება სჭირდებოდა, მაგრამ ვეტერინარები უხეში და დიდი ბეწვის გამო ამას ვერ ახერხებდნენ. გარდა ამისა, პუდელს სჭირდებოდა კბილების გაწმენდა, ბრჭყალების მოჭრა და კასტრაცია.
ძაღლი ახალმა ვარცხნილობამ სრულიად შეცვალა - ის უსაყვარლეს ოთხფეხა ბინადრად გადაიქცა.
მიუხედავად რთული წარსულისა, პუდელი საოცრად თბილი და მოსიყვარულე აღმოჩნდა.
სამ-თვიანი რეაბილიტაციის შემდეგ, "ლომის გული" მზრუნველმა ოჯახმა აიყვანა.
პატრონებმა ძაღლს კოდი დაარქვეს. თავშესაფრის წარმომადგენლის თქმით, ახალ ოჯახს თავისი ბინადარი ძალიან უყვარს: "კოდი სულ მათთან ერთად არის. მან ყველას თავი შეაყვარა. ეს კონკიას ნამდვილი ისტორიაა".
და მართლაც, ზღაპრები სასიამოვნოდ უნდა სრულდებოდეს ცხოველებშიც კი, ისევე როგორც კოდის ამბავი.
წყარო: thesun.co.uk
ასევე იხილეთ:
ადამიანებმა "ურჩხული" იპოვეს, ის 16 კილოგრამი ბეწვისგან გაანთავისუფლეს და "პრინცად" გადაიქცა
"მაქციამ", რომლისაც ადამიანებს ეშინოდათ, მზრუნველი პატრონი იპოვა და ულამაზეს არსებად გადაიქცა
ძაღლი, რომელმაც მთელი ცხოვრება ჯაჭვზე დაბმულმა გაატარა, სიყვარულმა რადიკალურად შეცვალა