პუდელი დიდხანს ცოცხლობს, ის უნდა აბანაოთ რეგულარულად და ექვს-რვა კვირაში ერთხელ გაკრიჭოთ. ყურები ხშირად შეუმოწმეთ, ხომ არ ჰყავს ტკიპა და თუ ასეა, ბეწვებიანად ამოაჭერით. რეგულარულად გაუწმინდეთ კბილები.
მონაცემები:
წარმოშობა - გერმანია, საფრანგეთი
მთავ. დანიშნ - ნანადირევის მოტანა
ტემპერამენტი - გონიერი, ერთგული
სიც. ხანგრძლივობა - 14-18 წელი
მოვლა - ყოველდღიური ვარცხნა
ვარჯიში - რეგულარული, ზომიერი
მოდარაჯე - ძალიან კარგი
ხვადი
28-61 სმ
7-32 კგ
ძუ
28-56 სმ
7-27 კგ
კუდი
სტანდარტულებს, ჩვეულებისამებრ, დაბადებისთანავე აჭრიან კუდის სიგრძის ნახევარს, ხოლო მინიატიურულებს – კუდის მესამედს.
თათები
პატარა და ოვალური ფორმის, მკვეთრად ამოზნექილი თითებით, სქელი და მყარი ბალიშებით.
ფეხები
წინა ფეხები აქვს გამხდარი, Uუკანა – დაკუნთული.
ბეწვი
სქელი, მატყლისებური, ზამბარასავით დახვეული კულულებით, რომელიც ზოგჯერ ისე აქვს დავარცხნილი, რომ ღრუბლის ქულას წააგავს, ანდა გაკრეჭილი აქვს სხვადასხვანაირად. შეფერილობები: თეთრი, კრემისფერი, ყავისფერი, გარგარისფერი, შავი, ვერცხლისფერი ან
ცისფერი.
თვალები
მუქი და ოვალური ფორმის.
სახე
გრძელი, სწორი და კოხტა სახე, ფხიზელი და გონივრული გამომეტყველებით.
ყურები
გრძელი, ფართო, ბეწვით უხვად შემოსილი.
ტანი
კარგი პროპორციის, დიდი გულმკერდითა და ძლიერი კისრით.
პუდელები _ აქტიური, ენერგიული ძაღლები _ მოძრაობენ მსუბუქად და მოქნილად _ თითქოს ზამბარები აქვთ ფეხებზე. ბევრი პატრონი პუდელს მთლიანად, ბატკანივით კრეჭს, რადგან ასე უადვილდება მისი მოვლა.
პუდელს ტრადიციულად კრეჭდნენ იმიტომ, რომ ტანის მძიმე ბეწვს ცურვისას ხელი არ შეეშალა. სამაგიეროდ, ფეხებზე, კუდზე, კისერსა და მხრებზე უტოვებდნენ, რაც სიცივისგან იცავდა.
მართალია, ამ ძაღლებს ძალიან უყვართ წყალში ჭყუმპალაობა და სეირნობა, მაგრამ ზედმეტი ვარჯიშის მოთხოვნილება არ აქვთ. ისინი კარგად და ჯანსაღად იგრძნობენ თავს, თუკი რეგულარულად მიეცემათ უსაბლოდ ცურვის, სირბილისა და თამაშის საშუალება.
ზოგიერთ პუდელს ხვეული, უხეში ბეწვი აქვს და არ სცვივა. მათ ყოლას ურჩევენ ადამიანებს, რომელთაც ძაღლის ბალანზე ალერგია აქვთ. ოდესღაც პუდელს დიდად აფასებდნენ ცირკის მსახიობებიც სასაცილო გარეგნობისა
და ადვილად წვრთნის გამო.
რჩევა:
ლეკვის შეძენისას, გამოიკვლიეთ მისი გენეტიკური დაავადებები.
ეს ძაღლები ღიზიანდებიან, თუკი მოაკლდებათ ადამიანის ყურადღება