ხუთი წლის ძაღლს წარმოდგენა არ ჰქონდა, თუ რატომ მიატოვეს უცხო ადგილზე.
უბრალოდ, ერთ საშინელ დღეს ის თავშესაფარში მოხვდა, ისეთივე ობლებს შორის, როგორც ახლა თავადაა. პატრონის ღალატმა ძაღლზე საშინლად იმოქმედა და ჯეიკიმ მოიწყინა.
ხნიერმა მამაკაცმა თავშესაფრის თანამშრომლებს აუხსნა, თუ რატომ გახდა იგი იძულებული, ძაღლი ჩაებარებინა. მისი თქმით, ძაღლის მოვლისთვის დრო აღარ ჰქონდა, ცხოველთა მომვლელებმა მას გაუგეს, თუმცა, სევდიან
სიტუაციას ართულებდა ისიც, რომ ძაღლი ეზოში სირბილს მიჩვეული იყო, ხოლო თავშესაფარში მიყვანის შემდეგ, ის პატარა გალიაში ცხოვრობდა, სადაც თავისუფლად ვერ გადაადგილდებოდა. "ყუთში" ცხოვრებამ ძაღლს დეპრესია დამართა.
როდესაც ცხოველთა გადარჩენის ცენტრის თანამშრომელმა, სტეისი სილვერშეინიმ, ჯეიკის შესახებ შეიტყო, მან ძაღლის დახმარება გადაწყვიტა. ქალმა ცხოველი ნიუ-იორკში წაიყვანა. მოხალისეები დარწმუნებულნი იყვნენ, რომ ძაღლი მალე გაჩუქდებოდა, მაგრამ დრო გადიოდა, ხოლო მას ვერავინ ამჩნევდა.
"ის საოცრად თბილი და მოსიყვარულე ძაღლია. ვერ ვხვდები, თუ რატომ არავის სურს მისი აყვანა", - ამბობდა მისი მომვლელი.
მიუხედავად ამისა, ჯეიკი კვლავ გალიაში რჩებოდა. საბოლოოდ, სტეისიმ გადაწყვიტა სოციალური ქსელის მომხმარებლებისთვის მიემართა. მოხალისემ ძაღლის რამდენიმე ფოტო სოციალურ ქსელში განათავსა, რის შემდეგაც ჯეიკის ადამიანებმა ყურადღება მიაქციეს. ინტერნეტ მომხმარებლები ცხოველის მიმართ ინტერესს გამოხატავდნენ და მისი აყვანის სურვილს გამოთქვამდნენ.
რამდენიმე დღის შემდეგ ჯეიკი მოხვდა საოცარ ოჯახში, სადაც მას მოსიყვარულე პატრონები შეხვდნენ. დღეს, მის განკარგულებაშია დიდი ეზო, სადაც შესაძლებლობა აქვს ირბინოს, ითამაშოს და სიცოცხლით დატკბეს. ერთი კვირა არ გასულა, რომ ძაღლს სახე კვლავ უღიმოდა. სტეისი ბედნიერი იყო, რომ კიდევ ერთი ცხოველი მზრუნველ ოჯახში დააბინავა.
წყარი: thedodo
ასევე იხილეთ:
ის ამაოდ ელოდა პატრონს, რომელმაც უღალატა და გზაზე დატოვა
მამაკაცმა იყიდა ძველი სახლი და მის სარდაფში ჯაჭვით დაბმული მიტოვებული ძაღლი აღმოაჩინა
ძაღლი მიხვდა, რომ პატრონმა თავშესაფარში მიატოვა და გულმოკლული ტირის
