ძაღლი ბოლომდე ელოდა და არ სჯეროდა, რომ მისი საყვარელი პატრონი მის წასაყვანად არასოდეს დაბრუნდებოდა. ელოდა მანამ, სანამ ერთმა ოჯახმა მისი ბედის შეცვლა არ გადაწყვიტა.
ასეთი საოცარი ერთგულება რომ დაინახეს, ადგილობრივმა მცხოვრებლებმა მისთვის საკვების მიტანა დაიწყეს, მაგრამ ძაღლი არავის იკარებდა.
ზოგი ძაღლის დაჭერას ცდილობდა იმისთვის, რომ თავშესაფარში ჩაებარებინა, მაგრამ ყველა მცდელობა უშედეგოდ დასრულდა. ძაღლი მოღალატე პატრონის ერთგული რჩებოდა.
გულისხმიერმა ადამიანებმა ცხოველს იქვე პატარა სახლი დაუდგეს, მაგრამ ძაღლი არ შედიოდა და ღამითაც კი, ძლიერ ყინვაში, გარეთ იწვა და ელოდა.
გავიდა დრო. ძაღლი ხანდახან შორდებოდა გზას და იკარგებოდა. როგორც ჩანს, მან გააცნობიერა, რომ მიატოვეს. მიუხედავად ამისა, მაინც რეგულარულად ბრუნდებოდა ძველ ადგილას.
და, აი, 2 დეკემბერს ძაღლი საბოლოოდ შეეგუა თავის ბედს და ენდო ადამიანებს. ის დაიჭირა ოჯახმა, რომელიც რეგულარულად აჭმევდა ცხოველს. ოჯახი ცხოველთა დამცველებს დაუკავშირდა.
ამჯერად ჩვენი გმირი მოხალისეებთან ცხოვრობს.
”ჩვენი პატარა მეგობარი ამჟამად შემფარებელთან ცხოვრობს სარანსკში. ჩვენ მისთვის ყველაზე მზრუნველ, კეთილ და პასუხისმგებლიან პატრონს ვეძებთ! ძაღლი ჯერ კიდევ ბოლომდე ვერ შეეჩვია ადამიანებს და მოფერების უფლებას იშვიათად აძლევს.. როგორც ეტყობა, მას ჯერ კიდევ ეშინია ან უბრალოდ ვერ ენდობა”, - ყვება ცხოველთა დამცველი.
იმედს ვიტოვებთ, რომ ეს საოცარი ძაღლი შეძლებს, ენდოს ადამიანებს და ახალ წლამდე ახალი სახლი იპოვოს!
