სენაკელი ბიჭები, რომლებიც მიუსაფარ ცხოველებს უანგაროდ ეხმარებიან (ემოციური ვიდეო)
სენაკში მცხოვრები 20 წლის ნიკუშა მელნიკოვი და 22 წლის დანიელ ჯანაშია მიუსაფარ ძაღლებზე 3 წელია ზრუნავენ.

ცხოველთა მოყვარულებმა ერთმანეთი 3 წლის წინ გაიცნეს და მას შემდეგ ერთიანი ძალებით ცდილობენ, უმკურნალონ და გამოკვებონ ქუჩებში მცხოვრები უპატრონო ძაღლები.

ნიკუშა აღნიშნავს, რომ სენაკში მიუსაფარი კომპანიონი ცხოველების მხრივ ძალიან ცუდი მდგომარეობაა. საბედნიეროდ, მეგობრებს თბილისიდან არა ერთი ცხოველთა მოყვარული ეხმარება. ისინი სენაკში საკვებს და საჭირო მედიკამენტებს გზავნიან.

"ამ მხრივ ძალიან ცუდი მდგომარეობაა, ფაქტიურად სენაკს არ გააჩნია ცხოველთა თავშესაფარი. მე და დანიელმა ვითხოვეთ, ფართი მოეცათ მიუსაფარ ცხოველებისათვის, მაგრამ უშედეგოდ", -
ამბობს ნიკუშა.

Zooclub

ნიკამ და დანიელმა თხუთმეტამდე დაავადებულ ძაღლს გაუწიეს დახმარება:

ამ ძაღლს ბატუტას ეძახიან -
გერმანული ნაგაზის მეტისი, რომელიც სენაკის ქუჩებში ცხოვრობს. ბატუტას ჯანმრთელობის პრობლემები ჰქონდა, თუმცა, ბიჭების დახმარებით ცხოველი გამოჯანმრთელდა.

Zooclub

ნიკუშა აღნიშნავს, რომ თავის მეგობართან ერთად, სენაკის ქუჩაში მცხოვრებ ყველა ძაღლს, შეძლებისდაგვარად, კვებავს და მკურნალობს.

Zooclub

რამდენიმე დღის წინ, მეგობრებმა იპოვეს 3 გადაგდებული ლეკვიც, რომლებიც სახლში წაიყვანეს და პატრონობენ.

Zooclub

საქართველოში ათასობით მიუსაფარი ცხოველია. განსაკუთრებულად კრიტიკული მდგომარეობაა რეგიონებში, სადაც ვხვდებით გადაგდებულ ლეკვებს, სახლიდან გაგდებულ და დაავადებულ ძაღლებს. ისინი თავიანთ სიცოცხლეს უპატრონოდ, ყოველგვარი სითბოსა და ზრუნვის გარეშე ასრულებენ, თუმცა, არიან ცხოველთა მოყვარულები, რომლებიც მათ ყოფას უმსუბუქებენ. სწორედ ისეთი ადამიანები, როგორებიც ნიკუშა და დანიელია.

ასევე იხილეთ:

"ადამიანებს მივუტოვებივარ, ძაღლებს არასოდეს..." - ბროწეულაში ოლია ვოლკოდავ-ბერიტაშვილი და მისი შვილები 50 ძაღლს და 12 კატას უვლიან

"სადაც გინდა დადე ფოტო, ოღონდ მე ნუ გამომაჩენო... დავპირდი, რომ არ გამოვაჩენდი!"

"თავისთვის იწვა ძაღლი, ეფერა და მერე თავისი ქურთუკი დააფარა,"- დღის ფოტო
თეა
ბიჭებს კი ყოჩაღ და მადლობა მათ მშობლებს, ახლობლებს მათი ადამიანებად აღზრდისთვის. ღმერთმა დაგლოცოთ ასეთი მადლიანი საქმისსთვის და მოგცეთ შესაძლებლობა მეტი სიკეთის კეთებისათვის.
თეა
სიმართლეს! ძაღლი იმდენად გონიერი არსებაა არამგონია ,,შენნაირებს”, აედევნონ! მოსაშთობი, სწორედ რომ ,,შენნაირი” ღვარძლიანი და ბოროტი ადამიანები არიან დედამიწის ზურგიდან და ამდენი უბედურებაც არ იქნებოდა!
სიმართლე-ს
მაგ სიმართლით გევლოს მთელი შენი ცხოვრება და მაგ ძაღლების ბედი სანატრელი გაგიხდეს! რამდენჯერ ოჯახისთვის ნაყიდი პურიდან სახლში ნახევარიც არ მიმიტანია ისე მეცოდებიან! არ დამბლოკოთ!
ლანა
აი,ქვემოთ,რომ სიმართლის სახელით წერს მავანი არამზადა კომენტარს,ის რატომ არ წაშალე მოდერატორო?
სიმართლე
არ შეიძლება, ვინმემ ეს მაწანწალა ძაღლები მოაშთოს??!!! რა უბედურებაა, ქუჩაში ვერ გაგივლია ადამიანს რომ ესენი არ შეგეფეთოს და აგედევნოს!!! პატრონი არ ყავს მართლა არაფერს!!
დახმარება
  • რა ვაჭამოთ?
  • ჯიშები
  • სად ვიყიდოთ?
გამოკითხვა
რომელი ბრენდის საკვებს აჭმევთ თქვენს ძაღლს?