სოციალურ ქსელში გავრცელდა ფოტოები, სადაც პატარა ბიჭი, მუხიანის ერთ-ერთი უბნის ეზოში მწოლიარე ძაღლს თავის ქურთუკს აფარებს და მზრუნველი მზერით აკვირდება. კადრები ინტერნეტ სივრცეში სწრაფად გავრცელდა და ბავშვის მიმართ არაერთი თბილი კომენტარი დაიწერა.

"თავისთვის იწვა ძაღლი, მივიდა, ეფერა და მერე თავის ქურთუკი დააფარა,"- სწორედ ეს კომენტარი დაურთო ავტორმა დემბო დუმბაძემ ფოტოებს, რომლებმაც ადამიანებში დადებითი ემოციები გამოიწვია.