ყველაფერი ატლანტაში, ერთ-ერთი ფილმის გადასაღებ მოედანზე დაიწყო.
ტომმა შემთხვევით დაინახა 3 თვემდე ასაკის ლეკვი, რომელიც სამანქანო გზაზე დაბნეული დადიოდა. მსახიობი მის დასახმარებლად გაიქცა. როდესაც მიხვდა, რომ შესაძლო იყო, ვერ მიესწრო, რამდენჯერმე დაუძახა. პატარა ცხოველმა ტომის ხმა გაიგო და მისკენ გაიქცა.
ეს იყო მათი პირველი შეხვედრა...
ტომმა ლეკვი ვეტერინართან წაიყვანა და მისი მოვლისთვის ყველა საჭირო ნივთი შეიძინა. პატარას სახელიც - ვუდი დაარქვა.
მსახიობს ძაღლი ყველგან თან დაჰყავდა. ვუდის
ვუდი ტომის ნამდვილი მეგობარი გახდა. უსაყვარლესმა ძაღლმა სხვა ცნობილი მსახიობების გულიც დაიპყრო.
თუმცა, 2017 წლის ივნისში ტომს თავს დაატყდა დიდი ტრაგედია - მისი უსაყვარლესი ვუდი მოკვდა. ცხოველი სულ რაღაც 6 წლის იყო, როცა უკურნებელი სენი დაემართა და პატრონმა მისი გადარჩენა ვერ შეძლო.
ტომ ჰარდმა ერთგულ მეგობარს ემოციური წერილი მიუძღვნა:
"ჩემი ცხოვრების საუკეთესო მეგობარს: ჩემთვის და ჩემი ოჯახისთვის, რომლებსაც ის უყვარდათ ისე, რომ სიტყვებით ვერ გადმოვცემ, ეს დიდი დანაკლისია. ვუდი იმდენად კარგი მეგობარი იყო, რომ ჩვენ ამაზე ოცნებაც კი გაგვიჭირდება. ჩვენი სულები სამუდამოდ ერთად დარჩება", - წერს მსახიობი საკუთარი Tumblr-ის გვერდზე.
ასევე იხილეთ:
პატრონმა ძაღლს, რომელიც სიმსივნის დამარცხებაში დაეხმარა, გამოსამშვიდობებელი ფილმი მიუძღვნა
ცნობილი საოპერო მომღერალი თამარ ივერი ერთგული ოთხფეხა მეგობრის სიკვდილს, სოციალურ ქსელში ამაღელვებელი წერილით ეხმაურება
როცა მისი ერთგული ძაღლის სული ცისარტყელისკენ გაფრინდა, მან ემოციური წერილი დაწერა
