ყოველ დღე ძაღლი თავისი ფანჯრიდან სიყვარულითა და სითბოთი უყურებდა კატას, რომელიც მის წინ მცხოვრები მეზობლის ფანჯარასთან იჯდა. თუმცა, ერთ დღეს კატა აღარ გამოჩნდა და მის მაგივრად იმავე ადგილზე მცენარეები ელაგა. ძაღლი სევდიანი გახდა, საკვებზეც უარს ამბობდა და რამდენიმე დღე მოწყენელი იყო. ის ხშირად მიდიოდა ფანჯრის სიახლოვეს იმ იმედით, რომ კატა ისევ გამოჩნდებოდა, თუმცა, მისი მეგობარი არსად ჩანდა.
ძაღლის დარდს პატრონიც განიცდიდა, ამიტომ ერთ დღეს მან მეზობლის ფანჯარაზე განათავსა ქაღალდი,
"კეთილო მეზობელო, შესაძოა, ეს სასაცილოდ მოგეჩვენოთ, თუმცა, ჩემი ძაღლი შეყვარებულია თქვენს კატაზე. ჩვენ თქვენი სახლის პირდაპირ ვცხოვრობთ. რამდენიმე დღეა, თქვენი კატა არ გამოჩენილა, ამიტომ ჩემი ძაღლი ძალიან სევდიანია და განიცდის. უკვე 3 დღეა, ის მოუსვენრად დადის ფანჯრის სიახლოვეს, დაადებს თათს ფანჯრის კიდეს და იყურება თქვენსკენ იმ იმედით, რომ თქვენს კატას ისევ დაინახავს. ჩემი ძაღლი გულგატეხილია თქვენი კატის მოლოდინში. შევამჩნიე, რომ ფანჯარასთან მცენარეები განათავსეთ, თუ არ შეწუხდებით, იქნებ ეს ყვავილები სხვა ადგილზე დაალაგოთ, რომ ჩემმა ძაღლმა ისევ დაინახოს თქვენი კატა.
დიდი პატივისცემით, თქვენი მეზობელი."
მეორე დღეს არც ერთი მცენარე არ იყო ფანჯარასთან და კატა ისევ იმავე ადგილზე იჯდა, ხოლო ფანჯარაზე იყო წარწერა: "ნამდვილი სიყვარულისთვის". გახარებული ძაღლი კვლავ კუდის ქიცინით უყურებდა მეზობლის კატას.
ადამიანები დიდ პატივისცემასა და სიყვარულს გრძონობენ თავისი ბინადრების მიმართ. სწორედ ამის შედეგად, ეს ცხოველები კვლავ კმაყოფილები უმზერენ ერთმანეთს.
ასევე იხილეთ:
წერილი მათთვის, ვინც ძაღლი თავშესაფრისთვის გაიმეტა
წერილი ჩემს კატას
წერილი ადამიანებს უნარშეზღუდული ძაღლისგან