ისინი ხშირად მკურნალობენ, კვებავენ ცხოველებს და იცავენ მათ უფლებებს. უმეტეს ნაწილს სახლში ქუჩიდან აყვანილი ცხოველი ჰყავს.
იმის გასაგებად, თუ რა ღონისძიებები იგეგმება 4 აპრილს საქართველოში, zooclub.ge რამდენიმე ცხოველთა დამცველს დაუკავშირდა.
თბილისი -ცხოველთა მუნიციპალური თავშესაფარი - 14:00 საათზე, მუნიციპალურ თავშესაფარში ცხოველების მოყვარული საზოგადოება შეიკრიბება, მოეწყობა ლეკვების გაჩუქება. მსურველებს ეს დღე თავშესაფრის ბინადრებთან ერთად შეუძლიათ გაატარონ. გაასეირნონ ისინი, მიიღონ და გასცენ სითბო.
ჩვენდა სამწუხაროდ, სააგენტო, სხვადასხვა ძალებით და ადამიანთა ჯგუფის მეშვეობით ცდილობს შეუშალოს ხელი ჩვენს მიერ დაგეგმილ აქციას და ავრცელებინებს ინფორმაციას, თითქოს და აქცია 4 აპრილს იმართება მერიასთან, ეს არის დეზინფორმაცია და ემსახურება 4 აპრილს რუსთაველის მეტროსთან დაგეგმილი აქციის ჩაშლას.
გთხოვთ, ნუ მიაქცევთ ყურადღებას ცრუ ინფორმაციას და ყველას გელოდებით 4 აპრილს, 14:00 საათზე, მეტრო "რუსთაველთან"."
გორი - ირმა მთიულიშვილი: "ჩვენ გადავიფიქრეთ გორში აქციის ჩატარება და თბილისში მოვდივართ. ახლა თბილისს ვჭირდებით".
ბათუმი - გულო ფუტკარაძე: "სამწუხაროდ, ხალხის სიმცირისა და უაქტივობის გამო, ბათუმში არანაირი ღონისძიება არ იგეგმება ამ დღესთან დაკავშირებით. პირადად მე თბილისში მივდივარ და ვუერთდები მშვიდობიან აქციას, რომელიც რუსთაველის მეტროსთან გაიმართება."
ქუთაისი - თემურ ლაჭყეპიანი: "ქუთაისში, 4 აპრილს იგეგმება ღონისძიება მიუსაფარ ცხოველთა დღესთან დაკავშირებით, რომლის ორგანიზატორიც ჩვენი ორგანიზაცია, " საქართველოს ცხოველთა დაცვის ფედერაცია" იქნება. მთელი საქართველოდან მოწვეულნი იქნებიან მუნიციპალიტეტების წარმომადგენლები და შეიქმნება ცხოველთა კონტროლის ეროვნული საბჭო".
ზუგდიდი -თემურ ლაჭყეპიანი - იგეგმება აქიის ჩატარება " საქართველოს ცხოველთა დაცვის ფედერაციის" მხარდამჭერების და სხვადასხვა არასამთავრობო ორგანიზაციების მიერ.
zooclub.ge საზოგადოებას მოუწოდებს მეტი თანაგრძნობა და მზრუნველობა გამოიჩინონ უპატრონო ცხოველების მიმართ. ისინი ჩვენი საზოგადოების მნიშვნელოვანი წევრები არიან, მაგრამ სამწუხაროდ, მათ ხშირად სასტიკად და არაჰუმანურად ეპყრობიან.
ანი ქარჩავა - სპეციალურად zooclub.ge-თვის.