ოკეანე - უზარმაზარი აკვარიუმი, სადაც მშვიდობიანად ცხოვრობს სხვადასხვა სახეობის თევზი. ყოველი შემთხვევისთვის, ასე იყო იმ დრომდე, სანამ ადამიანმა მისი დაცარიელება და დაბინძურება არ დაიწყო.

ბუნების ექსპლუატაცია კვლავ მიმდინარეობს. რამდენიმე ათეული წლის შემდეგ შესაძლოა, ზღვის სიღრმეები სრულიად დაცარიელდეს - თევზის გავრცელებული სახეობები გაქრეს.



ვერ იჯერებთ? აი, რა შედეგი შეიძლება მოჰყვეს 2048 წლისთვის ადამიანის უპასუხისმგებლობას:

ცხოველთა უფლებების დაცვის აქტივისტის ქეით პაუელის თქმით, ყოველწლიურად ოკეანეში იჭერენ 2,7 ტრილიონამდე ზღვის ბინადარს. 2048 წლისთვის შესაძლოა, ისინი აღარ არსებობდნენ.

ზღვის ცხოველებს შორის მოიაზრება 50 მილიონზე მეტი ზვიგენიც, რომლებიც ხშირად ხვდებიან თევზსაჭერ ბადეში. მათ მოკვლას სარგებელი არავისთვის მოაქვს.



ბუნებრივი საკვები ჯაჭვი ნადგურდება და ოკეანის ბინადარი სახეობები სამუდამოდ ქრებიან.

პროფესორი კალუმ რობერტსი განმარტავს:

"დაცარიელდება ოკეანე - მოვკვდებით ჩვენც. ყოველწლიურად ჩვენ ვკლავთ იმაზე მეტ თევზს, რამდენ ადამიანსაც კი ოდესმე დედამიწაზე უცხოვრია. 

ოკეანეში დაჭერილი ბინადრების უმეტესობას ადამიანები უსარგებლო ნარჩენებად ყრიან: შესაძლოა, ეს იყოს არასათანადო ზომის თევზი, საკვებად გამოუსადეგარი სახეობა ან კვოტის გადაჭარბება.

ჩვენ არ შეგვიძლია, მუდმივად ავიღოთ იმდენი, რამდენიც გვინდა, რადგან ამ მოქმედებით ზღვის სიცოცხლეს ვანადგურებთ.



აუცილებელია ხელისუფალთა სურვილი, რათა ეს პრობლემა ყველასთვის ყურადსაღები იყოს. მნიშვნელოვანია, ვიმოქმედოთ საზრიანად - ამ მოქმედებით კაცობრიობა თავს აარიდებს ნეგატიურ შედეგებს."

დოკუმენტური ფილმის "Cowspiracy"-ის  რეჟისორი Keegan Kuhn-ის თქმით, წყლის დაბინძურების მთავარი მიზეზი მეცხოველეობაა. ცხოველები ამუშავებენ დიდი რაოდენობით ნარჩენებს, რომლებიც ხვდება საკანალიზაციო მილებში.

ბინძური წყალი ირეცხება ზღვაში და მის სიღრმეებს აზოტით აბინძურებს, შედეგად კი, ჟანგბადის უკმარისობით, გარშემო კლავს ყველაფერ ცოცხალს.

პაუელის თქმით, აუცილებელია სათანადო ზომების მიღება დღეს და არ უნდა ველოდოთ 2048 წელს, როცა ოკეანე მკვდარ ზონად გადაიქცევა.



ოკეანეში სიცოცხლის დაცვა ჯერ კიდევ არ არის გვიან - ამისთვის აუცილებელია, შეიცვალოს ადამიანების დამოკიდებულება ბუნების და ცხოველების მიმართ.

ადამიანები სასტიკად მხოლოდ ზღვის ბინადრებს არ ექცევიან.

ყოველ წუთს დიდ ბრიტანეთში კლავენ 15 000 ცხოველს. სწორედ ამდენი გვამი გაიგზავნება გადასამუშავებლად მას შემდეგ, რაც თქვენ ბოლომდე წაიკითხავთ ამ წინადადებას.

დაფიქრდით, როდესაც სიამოვნებით მიირთმევთ მორიგ "ჰამბურგერს". გაიაზრეთ ის ტანჯვა, რომელსაც განიცდიან ცხოველები, როდესაც სასაკლაოზე მიდიან.



წარმოიდგინეთ ბადეში  შემთხვევით გაბმული დაუცველი ზვიგენი. ის ხომ რამდენიმე წუთით ადრე ოკეანეში მშვიდობიანად ცურავდა.

"სასაკლაოს რომ შუშის კედლები ჰქონდეს, ყველა ვეგეტარიანელი გახდებოდა", - ეს პოლ მაკარტნის ცნობილი სიტყვებია.

ფერმის ცხოველები განიცდიან ისეთივე ტკივილს, როგორიც შეიძლება განიცადოს ჩვენმა შინაურმა ცხოველმა, რომელიც გვიყვარს და სიხარულს გვჩუქნის.



შესაძლებელია თუ არა დასრულდეს იმ სისასტიკის გამართლება, რასაც ცხოველები ფერმებში განიცდიან?

კითხვა კვლავ ღიად რჩება: რას აირჩევენ ადამიანები მომავალში - მილიონობით ცხოველის კეთილდღეობას და ეკოლოგიურ სტაბილურობას, თუ საკუთარი კუჭის სიამოვნებისთვის მუდმივ ზრუნვას? 

ასევე იხილეთ:

მეცნიერების დასკვნით, ოკეანეში ტროპიკული დაავადებები ვრცელდება, რაც ადამიანებს სერიოზულ საფრთხეს შეუქმნის

მომვლელები გაოცებულნი იყვნენ, როდესაც დელფინმა საკუთარი შვილი მოკლა, მაგრამ ამას თავისი მიზეზი ჰქონდა

ეს მეთევზე ოკეანის სიღრმეში პოულობს ისეთ არსებებს, რომლებიც შეიძლება, მხოლოდ საშინელებათა ფილმებში იხილოთ