ჩინეთში ტრადიციული მედიცინა დიდი პოპულარობით არა მარტო ადამიანებში, არამედ ძაღლებსა და კატებს შორისაც სარგებლობს. პატრონები საყვარელ შინაურ ბინადარს ნემსის ჩხვლეტით ანუ აკუპუნქტურით მკურნალობენ.

შანხაიში არის ტრადიციული მედიცინის კლინიკა, სადაც ნევრალგიური პრობლემების მქონე ცხოველები მკურნალობის კურსს გადიან.



აქ პატრონებს მოჰყავთ პარალიზებული შინაური ბინადრები. ითვლება, რომ ცხოველს ნემსები ეხმარება სისხლის მიმოქცევის სტიმულირებასა და ტკივილის შემსუბუქებაში.

"ჩინეთში აკუპუნქტურა  ყველაზე პოპულარული სამკურნალო პროცედურაა. მე წავიყვანე ჩემი კატა, რათა მისთვის მკურნალობის კურსი ჩამეტარებინა", - ამბობს ცხოველის ერთ-ერთი პატრონი ვან სიცზუნი.



კატა ვანს ოთხი პროცედურა დასჭირდა და პატრონის თქმით, მას დღეს სიარული, თამაში და სხვა კატებთან ჩხუბიც კი შეუძლია.



აკუპუნქტურის კლინიკის ცენტრის ხელმძღვანელი ჯინ რიშანი ირწმუნება, რომ სამკურნალო ცენტრის ოთხ-წლიანი მუშაობის მანძილზე პროცედურა გაიარა 2 000-ზე  მეტმა კატამ და ძაღლმა, რის შედეგადაც, კურსის შემდეგ 80 % თავს უკეთ გრძნობს.



ნემსის ჩხვლეტის ერთი პროცედურა გრძელდება 45 წუთის მანძილზე და ის  39 ამერიკული დოლარი ღირს.

ასევე იხილეთ:

როგორ მკურნალობენ დიდი ზომის ცხოველებს. მსგავსი არასოდეს გინახავთ