ვეტერინარია მარტივი სამუშაო არ არის. ექიმები საყვარელ საქმეს დიდი მონდომებით ასრულებენ, რათა ავადმყოფ ცხოველებს დაეხმარონ.
სამედიცინო კლინიკა ცხენებისთვის
სტამბულის იპოდრომის ტერიტორიაზე არსებობს კლინიკა, სადაც მოჯირითე ცხენებს მკურნალობენ. ადგილობრივ პერსონალს შეუძლია, ძალიან სწრაფად დააყენოს ფეხზე ავადმყოფი ცხოველი. ისინი სამკურნალოდ სხვადასხვა მეთოდს იყენებენ.
ეს კლინიკა კი ნიუმარკეტშია (ინგლისი), რომელიც ევროპაში ცხენების ყველაზე მასშტაბურ სამედიცინო ცენტრად ითვლება.
ადგილობრივი ვეტერინარების დამსახურებით, არაერთი
"ნაჩუქარ ცხენს კბილი არ გაესინჯება" - დღეს ეს გამოთქმა აქტუალური აღარ არის.
კოლუმბიელი სტომატოლოგი ცხენს წმენდს კბილებს. ზოგიერთი სპეციალისტი არა მარტო ადამიანის კბილებს მკურნალობს, არამედ ზრუნავს ცხოველის პირის ღრუზეც. ჩვეულებრივ, მორბენალი ცხენი სამედიცინო შემოწმებას გადის თვეში ორჯერ. კბილის წმენდის პროცედურა დაახლოებით 170 $ ღირს.
კლინიკა სპილოებისთვის
ეს ტაილანდია, სადაც სპილოების კლინიკა მდებარეობს. იგი 1993 წელს გაიხსნა და მედპერსონალმა დღემდე 400-ზე მეტი სპილო გადაარჩინა.
სპილოების კლინიკის შექმნის ინიციატორი სორადია სალვანაა. პატარაობაში გოგონა შემთხვევით შეხვდა პატარა სპილოს, რომელსაც მანქანამ დაარტყა. სორადინმა მამას სთხოვა, საცოდავი ცხოველი კლინიკაში გადაეყვანათ, თუმცა, დიდი ცხოველების კლინიკა, იმ დროს, არ არსებობდა.
კლინიკაში სპილოებს აქვთ პერსონალური სამედიცინო ანკეტა.
დააკვირდით ამ სპილოს, მას მეორე სიცოცხლე აჩუქეს.
ჩიტვანის (ნეპალი) ნაციონალურ პარკში სპილოებს უკეთებენ "პედიკიურს". უდავოა, ეს არ ხდება სილამაზისთვის. სპეციალისტები ცხოველის ფეხის ძირებს წმენდენ, სადაც გროვდება პარაზიტები.
კლინიკა ზოოპარკში- Point Defiance (აშშ)
თქვენს წინაშეა დათვი ბორისი, რომელსაც რთული ცხოვრება ჰქონდა.
ის როსტოკის (გერმანია) ზოოპარკში დაიბადა, თუმცა, საბოლოოდ, მექსიკის ცირკში აღმოჩნდა, სადაც საშინელ პირობებში ჰყავდათ. 2002 წელს, ცხოველთა უფლებების ორგანიზაციამ ბორისი ცირკიდან დაიხსნა. მას შემდეგ ის აშშ-ს ზოოპარკში ცხოვრობს, სადაც მისთვის შექმნეს კომფორტი - "არქტიკული ტუნდრა".
ამ ფოტოებზე ასახულია დათვის გეგმიური სამედიცინო შემოწმება, რომლიც ცხოველს წელიწადში ორჯერ უტარდება.
მასაჟი "ცხოველთა მეფისთვის"
დააკვირდით ამ უშიშარ ადამიანს. ფოტოზე აღბეჭდილია ალექს ლარენტი, ლომების პარკის მეთვალყურე იოჰანესბურგში.
მამაკაცი, არა მარტო უშიშრად უახლოვდება მტაცებელს, არამედ ცხოველს თათების მასაჟსაც უკეთებს. ამ პროცედურით ლომი სრულ ნეტარებაშია და დიდ კატას ემსგავსება.
ასევე იხილეთ:
ქირურგები რეპტილიას 3 საათი უკეთებდნენ ოპერაციას - ისინი ცდილობდნენ მისი ბაკანის აწყობას
სტაჟიორმა ვეტერინარმა ძაღლი ევთანაზიიდან ერთი წუთით ადრე გადაარჩინა
როგორ უნდა გახსნათ უსახლკარო ცხოველების თავშესაფარი