როდესაც თხუნელა გზას კვეთავდა, სწორედ იმ დროს დაინახეს ის ადამიანებმა. პატარა არსება მიწაში მიმალვას ცდილობდა, თუმცა, დაიჭირეს, რათა აღრიცხვაზე აეყვანათ.
კარკარატული ცხოვრობს ავსტრალიის უდაბნოებში, ადამიანებისგან დაუსახლებელ ადგილებში. ცხოვრების ძირითად ნაწილს მიწის ქვეშ ატარებს, თუმცა, ზოგჯერ წვიმიანი ამინდის შემდეგ ზედაპირზეც ამოდის. სწორედ ამგვარი ცხოვრების წესის გამო, მათ შესახებ მეცნიერებამ ცოტა რამ იცის.
ოქროსფერ თხუნელას აქვს უჩვეულო წინა თათები, რომელთა ნაკვალევიც ყველა ცხოველისგან გამოირჩევა. გარდა ამისა, მას საერთოდ არ აქვს თვალები, ასევე ყურის ჭრილი, მაგრამ სმენა განვითარებული აქვს.
კარკარატული იმდენად უნიკალური ცხოველია, რომ დედამიწაზე არ არსებობს იდენტური გენის მქონე არსება. თხუნელები, რომლებიც სხვა კონტინენტზე ბინადრობენ, მხოლოდ ცხოვრების წესით გვანან კარკარატურს, თუმცა, გენეტიკურად რადიკალურად განსხვავებულნი არიან მისგან.
რაც შეეხება იმ ოქროსფერ თხუნელას, რომელიც დაიჭირეს ავსტრალიელმა რეინჯერებმა, ფოტოსესიისა და აღრიცხვის შემდეგ ისევ ბუნებაში დააბრუნეს.
ასევე იხილეთ:
ტანზანიაში უიშვიათესი თეთრი ჟირაფი აღმოაჩინეს
ალბინოსი სპლიყვის უიშვიათესი კადრები
ის უიშვიათესი ზვიგენის სახეობას წარმოადგენს
