ფერმერმა უცნაური არსებების ამოსაცნობად დახმარება ნაკრძალის თანამშრომლებს თხოვა.
როგორც აღმოჩნდა, ახალშობილი ცხოველები სულ რამდენიმე დღის დაბადებულნი იყვნენ, რადგან თვალები ჯერ არ ჰქონდათ ახელილი. მათი გადარჩენისთვის საჭირო იყო განსაკუთრებული მზრუნველობა.
ნაკრძალის თანამშრომლებმა ამოიცნეს გარეული კატის ჯიში მანული, რომელიც იშვიათობას წარმოადგენს და ის წითელ წიგნშია შესული, როგორც გადაშენების პირას მყოფი ცხოველი.
![ფერმერს ეგონა, შინაური კატის კნუტები იპოვა და ისინი სახლში წაიყვანა Zooclub](/images/stories/01-marti-16/man2.jpg)
მანული იმავე ზომისაა, რაც შინაური კატა,
![ფერმერს ეგონა, შინაური კატის კნუტები იპოვა და ისინი სახლში წაიყვანა Zooclub](/images/stories/01-marti-16/man9.jpg)
სპეციალისტებმა ახალშობილები შინაურ კატას მიუყვანეს. მათ არ იცოდნენ მოუვლიდა თუ არა ის პატარებს, თუმცა, შინაურმა ცხოველმა მანულები პირველივე ნახვის შემდეგ მიიღო.
![ფერმერს ეგონა, შინაური კატის კნუტები იპოვა და ისინი სახლში წაიყვანა Zooclub](/images/stories/01-marti-16/man4.jpg)
გარეული კნუტები იზრდებოდნენ და ნაკრძალის თანამშრომლები დღითიდღე ეჩვეოდნენ მათ.
შემდეგი ნაბიჯი მათი ველურ ბუნებაში დაბრუნება იყო.
![ფერმერს ეგონა, შინაური კატის კნუტები იპოვა და ისინი სახლში წაიყვანა Zooclub](/images/stories/01-marti-16/man3.jpg)
პირველი ცივი ზამთარი, რომელიც ცხოველებს დამოუკიდებლად უნდა გაეტარებინათ უშედეგო აღმოჩნდა. მათ დაკარგეს გადამცემები, რომლებიც ნაკრძალის თანამშრომლებს მანულების ადგილსამყოფელს აჩვენებდა, ამასთანავე, საგძნობლად დაიკლეს წონაში.
![ფერმერს ეგონა, შინაური კატის კნუტები იპოვა და ისინი სახლში წაიყვანა Zooclub](/images/stories/01-marti-16/man7.jpg)
მანულები დააბრუნეს თავშესაფარში, რათა ზამთრის პერიოდში მათზე მომვლელებს ეზრუნათ, ხოლო გაზაფხულის დასაწყისში კვლავ ველურ ბუნებაში გაუშვეს. თბილ კლიმატში ცხოველებს გაუიოლდებათ დამოუკიდებლად ადაპტირება.
![ფერმერს ეგონა, შინაური კატის კნუტები იპოვა და ისინი სახლში წაიყვანა Zooclub](/images/stories/01-marti-16/man5.jpg)
ისინი კვლავ ნაკრძალის თანამშრომლების დაკვირვების ქვეშ არიან, თუმცა, დამოუკიდებლად ცხოვრებას ეჩვევიან.
![ფერმერს ეგონა, შინაური კატის კნუტები იპოვა და ისინი სახლში წაიყვანა Zooclub](/images/stories/01-marti-16/man8.jpg)
მანული უნიკალური კატების სახეობას მიეკუთვნება, რადგან მათი რაოდენობა ველურ ბუნებაში საკმაოდ მცირეა, ამიტომ მსოფლიოს ველური ბუნების გადარჩენის ფონდი ყველაფერს აკეთებს, რათა ეს საოცარი ცხოველი საბოლოოდ არ გადაშენდეს.
ასევე იხილეთ:
ოჯახს ეგონა, ახალშობილი ძაღლის ლეკვი იპოვა და სახლში წაიყვანეს
როგორ ცხოვრობს ენოტი, რომელსაც თავი ძაღლი ჰგონია?
ქალმა ამ ობოლ არსებას სიცოცხლე დაუბრუნა