საცოდავ დათვზე არავინ ზრუნავდა. მას მხოლოდ ავარჯიშებდნენ საკმაოდ მკაცრი მეთოდებით ცირკის "მწვრთნელები", ხოლო შემდეგ კოლიტა პერუს სხვადასხვა ქალაქში წარმოდგენებში მონაწილეობდა.
მცირე რაოდენობის საკვებისა და ბინძურ პირობებში ყოფნის გამო, კოლიტას ჯანმრთელობის პრობლემები შეექმნა. როდესაც პირველად ცხოველთა დამცველებმა წაიყვანეს სარეაბილიტაციო ცენტრში, დათვი საშინლად დათრგუნული და გასაცოდავებული იყო.
კოლიტამ ერთი წელი გაატარა თავშესაფარში, სადაც დამოუკიდებელ ცხოვრებას აჩვევდნენ.
სარეაბილიტაციო კურსის შემდეგ, კოლიტა ამაზონის ტყეებში წაიყვანეს. ცხოველი სამი დღის განმავლობაში მიყავდათ სატვირთო ავტომობილით, შემდეგ კი - ნავით.
"ერთი წლის წინ კოლიტას შევხვდი, ის ძალიან დათრგუნული და შეურაცხყოფილი იყო ცირკში გატარებული ცხოვრებით. ჩემთვის დიდი ბედნიერებაა, როცა ვხედავ კოლიტას ბედნიერს. ის დაუბრუნდა იმ სამყაროს, სადაც მთელი ცხოვრება უნდა გაეტარებინა."- ამბობს ცხოველთა დაცვის ორგანიზაციის პრეზიდენტი იან კრიმერი.
როდესაც დათვი ბუნებაში გაუშვეს, ეს მისი ბედნიერი წუთები იყო. მან მადლიერი სახით გადახედა იმ ადამიანებს, რომლებიც აცილებდნენ და ტყის სიღრმეში გაუჩინარდა.
ასევე იხილეთ:
მაიმუნი მარლი ველურ ბუნებაში დაბრუნდა
ამ ყუთის გახსნისას უსაფრთხოების ზომები მაქსიმალურად უნდა ყოფილიყო დაცული
ცირკის ლომმა 13 წლის შემდეგ პირველად ნახა ბუნება, მისი რეაქცია საოცარია
