2 წლის პიტბული, სახელად ჰიკორი, ნიუ-იორკის თავშესაფარში, ევთანაზიის სიაში მოხვდა. ფოტოს ხილვისას, მარიომ იგრძნო, რომ ვალდებულია ცხოველს დაეხმაროს, თუმცა, დრო ცოტა რჩებოდა და პრობლემა მხოლოდ ეს არ იყო.
როდრიგესი სატვირთო ავტომობილის მძღოლად მუშაობს, ხოლო იმ დროს ნიუ-იორკიდან კალიფორნიის ცხოველთა თავშესაფრამდე, სადაც ჰიკორი იმყოფებოდა, 2800 მილი უნდა გაევლო.
ბიჭმა ძაღლის გადასარჩენად თავის დამსაქმებელს თხოვნით მიმართა, რათა მარშრუტი შეეცვალა, ხოლო შემდეგ დაუკავშირდა ცხოველთა თავშესაფარს და აცნობა, რომ ჰიკორის ასაყვანად რაც შეიძლება მალე მივიდოდა.
გზა საკმაოდ გრძელი იყო. მარიო ყოველდღე უკავშირდებოდა მოხალისეებს, რათა თავისი ადგილსამყოფელი ეცნობებინა.
საბოლოოდ, მან თავშესაფრამდე მიაღწია. როდესაც ჰიკორმა ბიჭი დაინახა, თითქოს იგრძნო, რომ მარიო მის გადასარჩენად მივიდა. ძაღლი ყეფითა და წკმუტუნით ცდილობდა გალიის კარის გაღებას, ხოლო შემდეგ მიუახლოვდა თავის გადამრჩენელს, თათებით ეხვეოდა და სახეს ულოკავდა.
ეს თითქოს ერთი ნახვით შეყვარება იყო.
ჰიკორი სიხარულით აძვრა სატვირთოში და ისინი სახლისკენ წავიდნენ.
რამდენიმე დღის შემდეგ პიტბულმა თავისი ახალი ოჯახი და იქ ბინადარი ორი პიტბული გაიცნო. ჰიკორი თავიდან მორიდებით იქცეოდა, თუმცა, რამდენიმე წუთის შემდეგ, გაშინაურდა და სხვა ძაღლებთან ერთად ეზოში ბედნიერი დარბოდა.
ძაღლი იმდენად მადლიერი იყო ადამიანისა, რომელმაც გადაარჩინა, მიიყვანა სახლში და გემრიელი საკვებით უმასპინძლა, რომ ოჯახის წევრებმა გადაწყვიტეს, მარიოსთვის მისი გაჩუქება არ მოეთხოვათ.
დღეს ჰიკორი და მარიო სატვირთო ავტომობილით ერთად მგზავრობენ - ძაღლი თავის პატრონს სამსახურის საქმეში ეხმარება. როგორც ჩანს, პიტბულს ძალიან მოსწონს თავისი ახალი ცხოვრება. პატრონმა სატვირთოს სალონში მას საწოლიც კი გაუკეთა.
მარიოს თქმით, მისი საყვარელი ოთხფეხა მეგობარი ღირდა იმად, რომ 3 000-მდე მილი გაევლო.
წყარო: thedodo
ასევე იხილეთ:
დაინახა თუ არა ქალმა ძაღლი, მაშინვე მიხვდა, რომ მის გადასარჩენად ძალიან ცოტა დრო რჩებოდა
იმისათვის, რომ საყვარელი კატისთვის თირკმელი გადაენერგა, ქალმა 20 ათასი დოლარი გადაიხადა
ძაღლები მანამდე და შემდეგ, რაც მზრუნველ ოჯახებში მოხვდნენ