პიტსბურგში მცხოვრები ჰოლი პერსიკმა ავტომობილის დაძვრისას უცნაური სუნი იგრძნო და ძრავიდან უჩვეულო ხმა მოესმა. მან მანქანა გააჩერა და ძრავის საფარი ახადა, ის თვალებს ვერ უჯერებდა, როდესაც ძრავი ბალახითა და კაკლებით დაფარული დახვდა. როგორც მოგვიანებით გაირკვა, ავტომობილი ციყვებმა საკუთარ სათავსოდ აქციეს.



ჰოლის თქმით, მას ერთი თვის განმავლობაში მანქანით არ უსარგებლია. ამ ხნის მანძილზე მღრღნელებმა მისი ავტომობილი საკვების შემნახველ ადგილად გადააქციეს.



"ვხედავდი, რომ ჩემი სახლის სიახლოვეს ხეებზე არსებული დიდი რაოდენობით კაკლები სადღაც ქრებოდა. წარმოდგენაც არ მქონდა, რომ ყველაფერი ჩემი მანქანის ძრავში ინახებოდა. თუ მანქანას ეზოში რამდენიმე დღით გააჩერებთ, მის დაძვრამდე ზედმიწევნით შეამოწმეთ თქვენი ავტომობილი", - წერს სოციალურ ქსელში ჰოლი პერსიკის ქმარი და ამასთანავე მანქანის ფოტოებს ავრცელებს.

ასევე იხილეთ:

პატრონმა ძაღლის ბეწვში მოულოდნელი და საყვარელი "სტუმარი" აღმოაჩინა

ეზოში შეპარული დათვი ჰამაკში კომფორტულად მოკალათდა და ნებივრობდა

დათვებმა მანქანა "გაიტაცეს" და ავარიაში მოყვნენ