შინაური ცხოველებისთვის ორმაგ საშიშროებას წარმოადგენს ახალი წელი. ეს ეხება არა მხოლოდ მავნე საკვებს, რომელიც მაგიდაზეა განთავსებული, არამედ ნაძვის ხესაც, როგორც ხელოვნურს, ისე ბუნებრივს. არაფერს ვწერთ ნაძვის ხის სათამაშოებზე.
და კიდევ, რომელი მცენარეებია საშიში ძაღლებისთვის და კატებისთვის?
თეთრი ფითრი
ამ მცენარის ყველაზე საშიში ნაწილი ფოთლებია, რომლებიც იატაკზე ცვივა. ცხოველისთვის ის შხამიანია
ბაძგი
ამ მცენარემ ცხოველში შესაძლოა გამოიწვიოს რამდენიმე პრობლემა. პირველი - მას აქვს პატარა საცეცები, რომელსაც შეუძლია საყლაპავი მილის დაზიანება და გულის რევის გამოწვევა. მეორე - ბაძგი შეიცავს საპონინებს (ორგანული უაზოტო ნაერთები), რომელიც კუჭ-ნაწლავის მძიმე დაზიანებას იწვევს.
ნაძვის ხე
ასევე სოჭი, ფიჭვი და სხვა წიწვოვანი ხეები ცხოველისთვის საფრთხის შემცველია. წებოვანი სითხე, რომელიც ხეს სასიამოვნო არომატს სძენს, შინაური ბინადრის კუჭ-ნაწლავს აზიანებს. წიწვებს (ხელოვნურს თუ ბუნებრივს) შეუძლია საყლაპავი მილის დაზიანება. ეს იშვიათად ხდება, თუმცა, ყურადსაღებია. ცხოველისთვის მავნეა სხვა საახალწლო მოწყობილობები - განსაკუთრებით "წვიმები" და ე.წ. "სერპანტინები". მაგალითად, თუ კატა მის პატარა ნაწილსაც კი გადაყლაპავს, უკან ამოღება, ისევე როგორც საკუთარი ბეწვის, არ შეუძლია და იშვიათ შემთხვევაში, შესაძლოა, ყოველივე ფატალურად დასრულდეს.
შროშანი
კატისთვის ტოქსიკური მცენარეა. თუ ამ მცენარის ყველაზე პატარა ნაწილიც კი მოხვდება ცხოველის ორგანიზმში, შეიძლება, თირკმელების უკმარისობა გამოიწვიოს.
ამარილისი
ამ მცენარის ბოლქვის ჭამამ შესაძლოა, ძაღლებსა და კატებში კუჭ-ნაწლავის პრობლემები გამოიწვიოს. ყვავილისა და ფოთლის დაგემოვნებამ კი - კუჭის მსუბუქი გაღიზიანება.
შობის ყვავილი ანუ პუანსეტია
ამ ჩამონათვალში ცხოველისთვის ყველაზე უსაფრთხო მცენარეა - შესაძლოა, გამოვლინდეს მცირე პრობლემები კუჭ-ნაწლავში.
ასევე იხილეთ:
5 საშიში საკვები პროდუქტი კატებისთვის
რომელ ბალახს ჭამენ კატები?
10 რჩევა, თუ როგორ უნდა დაიცვათ კატისგან ნაძვის ხე
