ყველა ძაღლი თავისებურ ერთგულებას გამოხატავს პატრონის მიმართ, თუმცა, როდესაც საყვარელი ადამიანი სახლში არაა, თითოეული სულმოუთქმელად ელოდება მის გამოჩენას. უნგრული ვიჟლას ჯიშის ძაღლი, სახელად მიურეი, პატრონის მონატრებას საოცრად გამოხატავს.

ეს მიურეია, 6 წლის ვიჟლას ჯიშის  ხვადი



ისევე როგორც სხვა შინაურ ცხოველებს, მასაც ძალიან უყვარს თავისი პატრონი და როდესაც მამაკაცი სახლში ბრუნდება, მიურეი, სხვა ძაღლებისგან განსხვავებით, მას გამორჩეულად ხვდება.



ის სახურავის ყველაზე ამაღლებულ ადგილზე ძვრება და სწორედ იქიდან აკვირდება პატრონის დაბრუნებას.



როდესაც ძაღლის პატრონმა - აჯ ალიმ თავისი ბინადარი სახურავზე პირველად შენიშნა, გაუკვირდა და ამავე დროს შეეშინდა.



"ჩვენ მიურეის ჩვევის შესახებ არ ვიცოდით, სანამ კარზე მეზობელმა არ დარეკა და შეგვატყობინა, რომ ძაღლი სახურავზე დაინახა", - ამბობს აჯ ალი.



"თავიდან ძალიან გვეშინოდა, რომ არ ჩამოვარდნილიყო, თუმცა, შემდეგ შევეჩვიეთ."

აჯ ალი ცდილობდა გაეგო, თუ როგორ ახერხებდა ძაღლი ასვლას, ამიტომ სახურავზე ასასვლელი ყველა კარი დაკეტა.



უსაფრთხოების ზომები მხოლოდ 3 დღე მოქმედებდა. სამი დღის შემდეგ მიურეი კვლავ სახლის სახურავზე აღმოჩნდა.

"ის პოულობდა სხვადასხვა გზას, რათა ზემოთ ამძვრალიყო. საბოლოოდ, ამ ფაქტს ოჯახის ყველა წევრი შევეგუეთ", - ამბობს ძაღლის პატრონი.




აჯ ალი პილოტია და პერიოდულად მიურეი სამსახურში მიჰყავს.



"ის ძალიან კარგი მეორე პილოტია, თუმცა, ძილს მეტ დროს უთმობს", - ამბობს აჯ ალი.



მამაკაცის ამბობს, რომ  არასოდეს უნახავს, ძაღლი სახურავზე ელოდებოდეს პატრონის დაბრუნებას, ამიტომ ფიქრობს, რომ მას უნიკალური ოთხფეხა მეგობარი ჰყავს. 

წყარო: boredpanda

ასევე იხილეთ:

პოლიციელი გამოძახებაზე ქურდების დასაჭერად მივიდა, მაგრამ მსგავს სასაცილო სიტუაციას ვერ წარმოიდგენდა

სახურავზე ამძვრალი ჰასკი მაშველებმა ერთი საათის განმავლობაში ორჯერ გადაარჩინეს

სახურავზე მჯდომი ძაღლის დახმარებას ყველა გამვლელი ცდილობს, თუმცა...