მშობლებმა ბავშვებს უთხრეს, რომ ძაღლს დიდი სივრცე სჭირდებოდა. მათ პირობა დადეს, რომ პეთჩის საუკეთესო ოჯახში გააჩუქებდნენ.
ბავშვებმა უფროსების გადაწყვეტილება გააპროტესტეს, თუმცა,
შემდეგ დღეს მომხდარმა ყველაფერი თავდაყირა დააყენა.
ნოლა სახლში მარტო იყო. მან აბაზანის მიღება გადაწყვიტა. წარმოიდგინეთ, როგორ გაუკვირდა, როდესაც კარი გაიღო და სააბაზანო ოთახში პეთჩი შევარდა. ძაღლს იქამდე მსგავსი არაფერი ჰქონდა გაკეთებული. ქალი ძაღლის გაგდებას ცდილობდა, თუმცა, ცხოველი არ ტოვებდა - ტრიალებდა პატრონის სიახლოვეს და წკმუტუნებდა, ხოლო ამის შემდეგ სასწაული რამ გააკეთა: პეთჩი მივარდა ნოლას და მხარზე უკბინა, თითქოს წასვლას სთხოვდა.
უდავოა, ძაღლს რომ კბენა სდომოდა, ქალი ხელის გარეშე დარჩებოდა, მაგრამ ნოლა შეშინდა და სწრაფად ამოვიდა აბაზანიდან. სწორედ მას შემდეგ შეძლო დაენახა, თუ რა ხდებოდა ოთახებში. სახლის კედელს ცეცხლი ეკიდა.
ძაღლი და პატრონი ერთად გაიქცნენ სახლიდან ეზოში. სახლის სიახლოვეს მანქანა იყო გაჩერებული, ნოლა მანქანისკენ გაიქცა, მაგრამ პეთჩი გადაეღობა ქალს და მისი წაქცევა სცადა. რამდენიმე წამში შენობის სახურავის ნაწილი გადმოვარდა და მანქანას დაეცა.
პეთჩიმ სწორედ იმ დროს იხსნა სიკვდილისგან საკუთარი პატრონი, როდესაც მისი გასხვისება სურდათ. ამ ფაქტის შემდეგ ოჯახს აღარ უფიქრიათ ოთხფეხა მეგობართან განშორება. ნამდვილი მეგობრისა და გადამრჩენელისთვის სახლში ყოველთვის მოიძებნება ადგილი.
დაზღვევამ ოჯახს ახალი სახლი გადასცა, სადაც პეთჩი საყვარელ ადამიანებთან ერთად იცხოვრებს.
ასევე იხილეთ:
"ყველაფერი დავკარგე რაც მებადა, მაგრამ ჩემთვის მთავარი მისი გადარჩენა იყო..."
ძაღლმა შვილებს პატრონი არჩია... მან უსახლკარო მამაკაცი ხანძრისგან იხსნა
ხანძრის დროს ძაღლი ახალშობილს გადაეფარა და საკუთარი სიცოცხლის ფასად გადაარჩინა
