როგორ უნდა მოვიქცეთ, თუ ძაღლი თავს გვესხმის: 5 მთავარი რჩევა კინოლოგებისგან
როგორ უნდა მოვიქცეთ, თუ ძაღლი თავს გვესხმის: 5 მთავარი რჩევა კინოლოგებისგან
ძაღლის თავდასხმისგან არავინაა დაზღვეული. ხშირ შემთხვევაში კომპანიონი ცხოველი ადამიანს თავს ესხმის იმ დროს, როცა ტერიტორიას იცავს. თუ ხროვიდან ერთი მათგანი თავს გესხმით, მას სხვებიც უერთდებიან.

როგორ დავიცვათ თავი, თუ ძაღლი ჩვენს მიმართ აგრესიას გამოხატავს? ექსპერტები რამდენიმე მნიშვნელოვან რჩევას გვიზიარებენ.

თუ ძაღლი გიყეფთ და კბილებს კრიჭავს, შეინარჩუნეთ სიმშვიდე. შესაძლოა, თავდასხმა თავიდან აიცილოთ

Zooclub

აგრესიულად განწყობილ ძაღლთან შეხვედრის დროს, შეეცადეთ, შეინარჩუნოთ სიმშვიდე;

არ გაიქცეთ;

არ უყვიროთ ძაღლს;

ასეთ დროს, თქვენი მოძრაობები უნდა იყოს შენელებული;

ძაღლს არ შეხედოთ თვალებში, მაგრამ მისი ქმედებები გააკონტროლეთ.

მოიქეცით ისე, თითქოს
მას საერთოდ ვერ ამჩნევთ და არ გაინტერესებთ.

თავდაცვა ძაღლის თავდასხმის დროს: იმოქმედეთ სწრაფად

Zooclub

შეეცადეთ ძაღლსა და თქვენს შორის გააკეთოთ ბარიერი რაიმე ნივთით (მაგ. ჩანთა), რათა თავი დაიცვათ დაკბენისგან;

თავდასაცავად გამოიყენეთ ყველაფერი, რაც ხელთ მოგხვდებათ;

თუ საშუალება გექნებათ, გამოიყენეთ ქურთუკი - ძაღლს თავზე შემოახვიეთ (შეძლებისდაგვარად დაუფარეთ თვალები და პირი);

თუ ძაღლი თავდასხმას განაგრძობს, მუშტი დაარტყით ცხვირში, საზარდულთან ან სახეში. ძაღლის ყველაზე მგრძნობიარე ადგილია წინა თათებს შუა გულ-მკერდის მიდამოები.

თუ ძაღლმა გიკბინათ: ამ დროს ცხოველი მკვეთრი მოძრაობით არ მოიშოროთ, ის კბილებს უფრო მეტად მოგჭიდებთ

Zooclub

თუ ძაღლი კბილებით გებღაუჭებათ, არ გააკეთოთ მკვეთრი მოძრაობები;

იმ ხელით, რომელიც თავისუფალი გაქვთ, ძაღლს უკანა თათებზე ძლიერად მოჰკიდეთ ხელი. მსგავსი მანევრის დროს, ხშირ შემთხვევაში, ცხოველი მოწინააღმდეგეს თავს ანებებს;

მკვეთრი მოძრაობით ძაღლი დააგდეთ მიწაზე და მთელი ძალით დააწექით (ნუ გაიმეტებთ სასიკვდილოდ).

თუ ძაღლმა თქვენი წაქცევა მოახერხა: დაიფარეთ ყელი და შეძლებისდაგვარად სახე

Zooclub

ძაღლის თავდასხმის დროს მნიშვნელოვანია დაიცვათ ყელი, რადგან მან შესაძლოა, არტერია დაგიზიანოთ;

წაქცევის შემთხვევაში სასურველია მოიკუნტოთ;

თავი მხრებში მოიქციეთ და დაიცავით ყელი მკერდთან ნიკაპის მიბჯენით;

ასეთ დროს კინოლოგები გირჩევენ თავის მომკვდარუნებას: ამგვარად შესაძლოა, ძაღლმა თქვენ მიმართ ინტერესი დაკარგოს.

მნიშვნელოვანი დამატება

თუ ძაღლი თავს დაგესხათ, ნუ ეცდებით მასთან ლაპარაკს, მით უმეტეს მისი მიმართულებით  ყვირილს. საუკეთესო სტრატეგია სრული იგნორია.

შეტევისას ძაღლს წინ დაუგდეთ რაიმე ნივთი -  მას ყურადღებას გადაატანინებთ და წასასვლელად დრო გექნებათ. 

ძაღლს დემონტრაციულად აჩვენეთ, რომ შეიარაღებული ხართ - მიწიდან ხელში აიღეთ (მოაჩვენეთ თითქოს იღებთ) ჯოხი, ქვა, ტოტი და ისროლეთ მისი მიმართულებით.

და ბოლოს, ძირითად შემთხვევაში ქუჩაში მცხოვრები ძაღლი ადამიანს უმიზეზოდ არასდროს ესხმის, ნუ იქნებით კომპანიონი ცხოველების მიმართ გულგრილნი ან აგრესიულად განწყობილნი, თუ ის თქვენკენ შეტევაზე არ გადმოდის.

ცხოველი აგრესიული მას შედეგ ხდება, რაც ადამიანების მიმართ სისასტიკის მსხვერპლი არაერთხელ გახდება. სწორად ამიტომ, ძაღლს მძაფრად უვითარდება თავდაცვის ინსტინქტი და სიახლოვეს მყოფი ყოველი ადამიანი პოტენციურ საფრთხედ ეჩვენება.

ასევე იხილეთ:

ძაღლი ყოველთვის მიგანიშნებთ, თუ კბენას აპირებს. როგორ?​

ჭკვიანი ძაღლის 7 თვისება​

10 ნიშანი, რომლებიც უნდა იცოდეთ, სანამ უცხო ძაღლს მოეფერებით
lala
ღმერთო რა აგრესიაა ! ბატონო კოტე ხუმრობთ ?
თამარი
ზუსტად ეგრე მოვიქეცი. სამსახურიდან გვიან გამოვედი. დაკეტვის გამო გამოფენიდან გზის გადაკვეთა შეუძლებელი იყო და წავედი მოკლე გზით. წისქვილკომბინატთან 10 ძაღლი გამომეკიდა ყეფით და წრე დამარტყეს. სახლში 3 ძაღლი მყავს და ალბათ მათი სუნიც ამდის. ხან ერთი მოვიდოდა ყეფა-ყეფით და დამსუნავდა, ხან მეორე და ა.შ. დავრეკე სახლში. მანქანები არ დადიოდნენ. სანამ ჩემმა დამ მანქანა გარაჟიდან გამოიყვანა, სანამ ჩვენი მეგობრები ჩაისვა მანქანაში, ერთი 20 წუთი გავიდა. მე მშვიდად ვიდექი ძაღლების წრეში და ველოდი მშველელს. ერთმა მანქანამ გამოიარა, გააჩერა 15-20 მეტრში და მეძახის მოდიო. დიდი მადლობა არ მინდათქო. თუ შველა უნდოდა გვერდით ჩამიარა და გაერღვია ძაღლების წრე. 15-20 მეტრის გაქცევისას კი კბენა არ ამცდებოდა. ამასობაში ჩვენი მანქანის ფარებმაც მოგვანათა და გაჩერდა მანქანა. ჩემი და და მეგობრები სიცილით იგუდებოდნენ. სასაცილო სანახავი ვიყავი ძაღლების წრეში. ასე, რომ მთავარია სიმშვიდე.
კინოლოგი
თუ ძაღლი გამოგეკიდათ, თქვენ უნდა დაასწროთ და უკბინოთ, თორემ, მერე ვერ მოერევით, ეს გამოცდილი მაქვს და უტყუარი მეთოდია. შეგიძლათ თითონ მოსინჯოთ.
zuba
ძაღლი კარგ ადამიანს არ ერჩის,გოთვერნებს სცნობს
gio
დაანებეთ კაცო ამ კოტეს თავი. ცხოვრებაში არავინ აქცევს ყურადღებას და ინტერნეტში მაინც ცდილობს ყურადღების მიქცევას. ხომ ასეა კოტეეე?
დახმარება
  • რა ვაჭამოთ?
  • ჯიშები
  • სად ვიყიდოთ?
ძაღლები
29.01.2018
სამწუხაროდ, ადამიანების უმეტესობას ვარჯიშისთვის საკმარისი მოტივაცია და სურვილი
24.01.2018
ძაღლის თავდასხმისგან არავინაა დაზღვეული. ხშირ შემთხვევაში კომპანიონი ცხოველი ადამიანს თავს ესხმის იმ დროს, როცა
22.01.2018
ეს არ არის თქვენი ლოგინი, არ არის თქვენი. ამ საოცარმა ძაღლებმა თავისი პატრონების ლოგინში დაიძინეს და დაამტკიცეს, რომ ეს ჩვენი სამყარო კი არა - მათი სამყაროა!
კატები
22.01.2018
შეიძლება თუ არა კატის ფსიქოლოგიურად მომზადება, სანამ მას ვეტერინართან
20.01.2018
ტრაგიკული კადრები გადაიღეს ხანძრის შემდეგ მუდურნუს რაიონში (თურქეთი). 83 წლის მოხუცს
14.01.2018
დაკარგულმა კატამ მოახერხა სამგზავრო მატარებლით პატრონთან დაბრუნება. ცხოველი გამცილებელმა იმ დროს შეამჩნია, როცა ის
ZOO
31.01.2018
პარიზში, ვოგეზთა მოედანზე, რამდენიმე ათეულმა ადამიანმა გრეინჰაუნდი​ს ჯიშის მიმართ
31.01.2018
26 დეკემბერს, ზოოკლუბის გათამაშების სამი გამარჯვებული გამოვლინდა. მათგან ერთ-ერთი ძუ და ხვადი მეტისების
30.01.2018
მექსიკელმა ბიზნესმენმა და ფონდ The Black Jaguar-White Tiger-ის დამფუძნებელმა ედვარდ სერჟიომ ინტერნეტ სივრცეში გაავრცელა თეთრი ლომისა
გამოკითხვა
რომელი ბრენდის საკვებს აჭმევთ თქვენს ძაღლს?