პირველ რიგში, უნდა აღვნიშნოთ, რომ უმიზეზოდ ძაღლი ადამიანს არასოდეს ავნებს. ყოველ წელს მილიონზე მეტი ბავშვი თუ ზრდასრული ადამიანი ხდება ძაღლის კბენის "მსხვერპლი". ძირითად შემთხვევაში მშობლები არ ინტერესდებიან, რატომ მოხდა ეს ფაქტი. ისინი გაუაზრებლად სჯიან ცხოველს. ეს უკეთეს ვარიანტში, მაგრამ არის შემთხვევები, როდესაც მცირე ნაკბენის გამო, ძაღლი ცემის დროს ან გამიზნულად მოუკლავთ კიდეც. 

ხშირ შემთხვევაში ბავშვი მოზრდილთან შედარებით უშიშრად უახლოვდება მისთვის უცნობ ძაღლს, შესაძლოა, მოფერების მიზნით. არის შემთხვევა უმიზეზოდ ქვის სროლისა, ასევე წვალების მიზნითაც. სწორედ მსგავს შემთხვევებში ცხოველი ცდილობს თავი დაიცვას, ხოლო მისი თავდაცვის იარაღი სწორედაც, რომ კბილია.



რა შემთხვევაში შეიძლება ავნოს ძაღლმა ადამიანს?

პირველ რიგში, თუ შეშინებული ძაღლი კედელთანაა მიმწყვდეული, ხელებგაშლილი არ უნდა მიუახლოვდეთ. ამ დროს ცხოველი უკან იხევს და ჟესტებით განიშნებს, რომ მისთვის საშიშროებას წარმოადგენთ:



1. ბავშვის ან უფროსის მიახლოებისას თუ ძაღლი კბენას აპირებს, ის იყურება ადამიანის საპირისპიროდ და კუდი ამოძუებული აქვს. თუ მაინც უახლოვდებით, ამ დროს ძაღლი ფიქრობს, რომ ეს მისთვის საფრთხეა. გამოსავალს შეტევაში ხედავს. სწორდ ამ დროს უნდა დაიხიოთ უკან.



ბავშვის შემთხვევაში - პატარას ხშირად დიდი სურვილი აქვს მოეფეროს ძაღლს, ხოლო ცხოველი თვითგადარჩენის ინსტინქტზეა მომართული, სწორედ ამ დროს უნდა ჩაერიოს მშობელი და შეშინებულ ძაღლს ბავშვი გაარიდოს.


2. სპეციალისტების რამდენიმე რეკომენდაცია მშობლებს:

ა) დაარიგეთ ბავშვი, სანამ ძაღლს მიუახლოვდება ნებართვა თქვენგან აიღოს, ხოლო თქვენ შეეკითხეთ ძაღლის პატრონს - საშიშია თუ არა ცხოველთან მიახლოება.

ბ) არ შეეხოთ, არ გააკეთოთ მკვეთრი მოძრაობები, თუ ძაღლი აღელვებულია და გიახლოვდებათ.

გ) იმ შემთხვევაში, თუ ძაღლი თქვენ მიმათ დადებითად განეწყო, არ ეთამაშოთ უხეშად. მაგალითად: ყურის მოქაჩვა, კუდზე ხელის მოკიდება და ა.შ. ის მსგავს ქმედებებს თამაშად არ აღიქვამს.

დ) არასოდეს მიუახლოვდეთ ძაღლს, რომელიც ზურგით დგას, განსაკუთრებით მაშინ, როცა საკვებს ჭამს.

ადამიანის გაუაზრებელი ქმედების გამო, არაერთი ძაღლი გამხდარა ევთანაზიის ან სახლიდან ქუჩაში გაგდების მსხვერპლი. გაითვალისწინეთ, რომ ისინიც ცოცხალი არსებები არიან, მათაც აქვთ შეგრძნებები: შიშის განცდა, თვითგადარჩენის ინსტინქტი. პირველ რიგში, დაიმსახურეთ ცხოველის ნდობა, იმ შემთხვევაში თუ მასთან თამაში გსურთ.

მშობლებო, ასწავლეთ ბავშვს ცხოველებთან სწორი კონტაქტი და ისინი არასოდეს მოგაყენებენ ზიანს, არც თქვენ და არც თქვენს შვილებს.

ასევე იხილეთ:

ოდესმე გინახავთ ძაღლი ასე იქცეოდეს? ის ამ მოქმედებით ცდილობს, რაღაც მნიშვნელოვანი გითხრათ

10 საიდუმლო, როგორ გეუბნებათ თქვენი ძაღლი "მე შენ მიყვარხარ"

რატომ ლოკავს ძაღლი პატრონს?