28 სექტემბერს, ცხოველთა მონიტორინგის სააგენტო, შინაური ცხოველების ანტირაბილურ ვაქცინაციას 10 მისამართზე ჩაატარებს
28 სექტემბერს, ცხოველთა მონიტორინგის სააგენტო, შინაური ცხოველების ანტირაბილურ ვაქცინაციას 10 მისამართზე ჩაატარებს
28 სექტემბერს, ცოფთან ბრძოლის საერთაშორისო დღესთან დაკავშირებით, ცხოველთა მონიტორინგის სააგენტო შინაური ცხოველების ანტირაბიულ (ცოფის ვირუსის საწინააღმდეგო) ვაქცინაციას, დედაქალაქის მასშტაბით, 10 მისამართზე ჩაატარებს. ცხოველების მეპატრონეებს, მიმკედლებლებსა და დაინტერესებულ მოქალაქეებს შესაძლებლობა ექნებათ, ცხოველებს ანტირაბიული აცრა უფასოდ ჩაუტარონ.

სააგენტოს ავტომობილი მისამართებზე განრიგში მითითებულ დროს მივა და ოთხფეხა პაციენტებს ერთ მისამართზე საათნახევრის განმავლობაში მოემსახურება.

ანტირაბიული ვაქცინაცია ცხოველს წელიწადში ერთხელ უნდა ჩაუტარდეს, ამიტომ რევაქცინაცია წინა აცრის თარიღის გათვალისწინებით მოხდება.

ანტირაბიული ვაქცინაცია და შემდეგ ყოველწლიური რევაქცინაცია, როგორც ძაღლებისა და კატებისათვის ცოფის მიმართ მდგრადი იმუნური სისტემის ჩამოყალიბებისათვის, ასევე,
ვირუსის პრევენციისათვის მნიშვნელოვანი ღონისძიებაა, რომლის მიზანს მოსახლეობისა და ცხოველების უსაფრთხოება და ჯანმრთელობა წარმოადგენს.

მიუსაფარი ცხოველების
ბოლო ვაქცინაციის ზუსტი თარიღის დადგენის მიზნით, მიმკედლებლებსა და დაინტერესებულ მოქალაქეებს შეუძლიათ დაუკავშირდნენ სააგენტოს ცხელ ხაზზე - 032 2 421 424 და ამის შემდეგ მოიყვანონ ცხოველები ვაქცინაციის ჩასატარებლად მათთვის ხელსაყრელ მისამართზე.

მისამართების ჩამონათვალი, სადაც ცხოველთა მონიტორინგის სააგენტოს წარმომადგენლები საათნახევრის განმვლობაში მოემსახურებიან ოთხფეხა პაციენტებს:

ვარკეთილი, მედიათეკის სკვერი, ჯავახეთის ქუჩისა და საქართველოს ერთიანობისთვის მებრძოლთა ქუჩების კვეთა - 08:30-10:00 სთ.
ავლაბარი, ლეხ კაჩინსკის სახელობის სკვერი (ლეხ კაჩინსკის ქუჩა N11-ის მიმდებარედ) – 10:30-12:00 სთ.
ორთაჭალა, კრწანისის ქუჩა N7, კრწანისის სკვერი - 12:30 -14:00 სთ.
ქვემო ფონიჭალა, რუსთავის გზატკეცილი N267-ის მიმდებარე სკვერი (პოლიციასთან) – 15:00-16:30 სთ.
მეტროსადგურ "ღრმაღელესა" და სანზონის N1 კორპუსს შორის მდებარე სკვერი - 17:30-19:00 სთ.
ია კარგარეთელის ქუჩა N133/11, ჯანსუღ კახიძის სახელობის ბაღის შესასვლელთან - 08:30-10:00 სთ.
მ. კოსტავას N37, ვერის ბაღის შესასვლელთან - 10:30-12:00 სთ.
ბუკიას ბაღი - 12:30-14:00 სთ.
ა. ბელიაშვილის ქუჩა N1, ბრატისლავას სახელობის სკვერი- 15:00-16:30 სთ.
გლდანი, მე-6 მიკრორაიონი, მე-7 და მე-20 კორპუსებს შორის მდებარე პარკი (ძაღლების გასასეირნებელ სივრცესთან) - 17:30-19:00 სთ.
კომენტარი ჯერ არ გაკეთებულა
დახმარება
  • რა ვაჭამოთ?
  • ჯიშები
  • სად ვიყიდოთ?
გამოკითხვა
რომელი ბრენდის საკვებს აჭმევთ თქვენს ძაღლს?