ჩაიმლონგის საფარი-პარკში, ორი თვის წინ, მნიშვნელოვანი რამ მოხდა: გაჩნდა პანდას ნაშიერი. 20 სექტემბერს ლონგ-ზაი პირველად გამოჩნდა საზოგადოების წინაშე - რა თქმა უნდა, დედის თანხლებით, რომელიც მას თვალს არ აშორებდა.
ჩვეულებრივ, მდედრი პანდები საკუთარი ნაშიერების მიმართ მზრუნველობით არ გამოირჩევიან, ამიტომ მომვლელები ახალშობილებს თავად ზრდიან, თუმცა, ეს ის შემთხვევა არ არის, რადგან მშობელი ზაის ნამდვილ დედობას უწევს.
დედა პანდა შვილს ახალი სამყაროს გაცნობაში ეხმარება. ცხოველი თავის ნაშიერზე ზრუნავს - ფრთხილად გადაჰყავს ის ადგილიდან, ეხუტება და როგორც მომვლელები ხუმრობით აღნიშნავენ, იავნანასაც უმღერის.
ლონ-ზაი 12 ივლისს დაიბადა და დღეს ის 3 კგ-მდე იწონის.
დააკვირდით, რა საყვარელი და ფუმფულა არსებაა.
საფარი პარკის თანამშრომლების თქმით, პატარა პანდა თავს კარგად გრძნობს და სწორად ვითარდება.
დიდი პანდა (ან ბამბუკის პანდა) ცენტრალურ ჩინეთში ბინადრობს. ველურ ბუნებაში მათი რაოდენობა 2 000-მდე შემორჩა, მაგრამ გარემოს დამცველების დამსახურებით, ბოლო ათეული წლის განმავლობაში, პანდების პოპულაცია 17%-ით გაიზარდა.
წყარო: dailymail
