25-26 აგვისტოს ჩათვლით გაეროს სურსათისა და სოფლის მეურნეობის ორგანიზაციის (FAO) ორგანიზებით, სურსათის ეროვნული სააგენტოს (სეს) ჩართულობითა და შვეიცარიისა და ავსტრიის განვითარების სააგენტოების ფინანსური მხარდაჭერით, დაინტერესებულ მხარეებს მიეწოდებათ დაწვრილებითი ინფორმაცია ახალი რეგულაციის შესახებ, რომლის თანახმადაც პირუტყვის სასაკლაოზე დასაკლავად სავალდებულოა ცხოველი იდენტიფიცირებული იყოს საყურე ნიშნით.
იდენტიფიცირებულია საქონელი, რომელსაც ერთ ან ორივე
FAO-ს პროექტის, ცხოველთა იდენტიფიკაციის ეროვნული სისტემის (NAITS) ცხოველთა ჯანმრთელობის სპეციალისტის ალექსანდრე ქაშიაშვილის განმარტებით, რეგულაცია, რომელიც ძალაში 1-ელი იანვრიდან შევა, ხელს შეუწყობს ცხოველთა მიკვლევადობას და ხორცპროდუქტების ხარისხის ზრდას.
„ახალი რეგულაცია გააუმჯობესებს ცხოველთა მიკვლევადობას და ხორც პროდუქტების ხარისხს, რითაც კიდევ უფრო შემცირდება ცხოველიდან ადამიანზე გადამდები დაავადებების რისკი და გაუმჯობესდება მომხმარებელთა უფლებები“ - განაცხადა ალექსანდრე ქაშიაშვილმა.
შეხვედრის ფარგლებშივე FAO-ს და სურსათის ეროვნული სააგენტოს წარმომადგენლებმა შეხვედრის მონაწილეებს წარუდგინეს რეგისტრაცია - იდენტიფიკაციის ახალი, გაუმჯობესებული სისტემის სამოქმედო გეგმაც, რომლის მიხედვითაც გაგრძელდება მსხვილფეხა და წვრილფეხა საქონლის საყურე ნიშნებით იდენტიფიცირება; გაუმჯობესდება და დაიხვეწება მონაცემთა ელექტრონული ბაზა, რომლითაც შესაძლებელი იქნება ცხოველის შესახებ ინფორმაციის მოძიება, დროის უმოკლეს პერიოდში.
სამეგრელო, რიგით მეექვსე რეგიონია, სადაც საინფორმაციო შეხვედრები გაიმართა.ანალოგიური ფორმატით, ივლისის თვეში შეხვედრები შედგა კახეთში, შიდა და ქვემო ქართლში, სამცხე-ჯავახეთში, იმერეთსა და რაჭაში. შეხვედრის ფარგლებში ინფორმაცია ჯამში, 350-ზე მეტ ადამიანს მიეწოდა. სექტემბრის თვეში შეხვედრები შედგება აჭარაში, გურიასა და მცხეთა მთიანეთში.
NAITS პროექტის განხორციელებისათვის, შვეიცარიის განვითარებისა და თანამშრომლობის სააგენტომ (SDC) და ავსტრიის განვითარების სააგენტომ (ADC) ჯამში 5 მილიონი დოლარი გამოყო.
/დამატებითი ინფორმაციისათვის შეგიძლიათ დაუკავშირდეთ საკონტაქტო პირს ნინო თოფურიძეს - 599 468 999/
