ორჭოფობა
მაგალითად ლეკვი, რომელიც ოდნავ უფროსია, ეჭვით უყურებს სხვა ლეკვს – ამას მისი არა მხოლოდ ფიქრიანი მზერა, არამედ უკან გადაწეული და ოდნავ აწეული ყურებიც ადასტურებს.
ერთმანეთთან შეგუება
მონათესავე ან ერთ ჭერქვეშ მცხოვრები ძაღლები ერთად თავს კარგად გრძნობენ.
ერთად ცხოვრება
ერთი ოჯახის ძაღლები, მაგალითად დედა-შვილი, ან ერთად აღზრდილი ერთი დედის
ხელახლა შეხვედრა
დამეგობრებულ ძაღლებს, ჩვეულებრივ, სიამოვნებთ ცალ-ცალკე ცხოვრების პერიოდის შემდეგ კვლავ შეხვედრა – ისინი ერთმანეთს ყნოსავენ და ხშირად ხალისიანად ყეფენ მისალმების ნიშნად. თუმცა, თუ ერთ-ერთი ძაღლი სიავით გამოირჩევა, ხელახლა ფრთხილად შეაჩვიეთ ძველ მეგობარს და თვალყური ადევნეთ პირველი რამდენიმე წუთი. მათი თამაში შეიძლება უმართავი გახდეს, თუ გორაობა და ჩხუბი დაიწყეს. თუ ზურგზე არ აეჯაგრათ ბალანი, შეგიძლიათ დაასკვნათ, რომ შეხვედრა მეგობრული იყო. ძაღლები რიგრიგობით დასდევენ ხოლმე ერთმანეთს, თუმცა სრულიად შესაძლებელია, რომ ერთი მათგანი დომინანტი იყოს.
მეგობრული შეხვედრები
ძაღლები, რომლებიც ერთად არ ცხოვრობენ, მაგრამ რეგულარულად ხვდებიან (უფრო სეირნობის დროს), შეიძლება დამეგობრდნენ. როგორც კი ერთმანეთს თვალს მოჰკრავენ, კუდის ქნევით შესახვედრად გარბიან, ურთიერთს ყნოსავენ და წრეზე დარბიან, შემდეგ ერთმანეთს დასდევენ, ან თავიანთი პატრონების გარშემო დახტიან. აშკარაა, რომ ძაღლები უკეთ ეგუებიან თავისივე ჯიშის ინდივიდებს. აღსანიშნავია, რომ დამეგობრება შეუძლიათ სრულიად განსხვავებული ტიპის ძაღლებსაც, მაგალითად მოპსსა და გრეიჰაუნდს, თუმცა მათმა ექსტერიერმა შეიძლება გავლენა მოახდინოს ერთობლივ თამაშზე.
ურთიერთობის აგება
როდესაც გსურთ, დარწმუნდეთ _ შეეწყობიან თუ არა ძაღლები ერთმანეთს, წარმატებული შედეგის მისაღწევად მოგიხდებათ რამდენიმე საკითხის გათვალისწინება. ყველაზე მნიშვნელოვანია, დაუფიქრებლად არ მოიყვანოთ ძაღლი სახლში იმ იმედით, რომ იქ მყოფი ძაღლი მას მაშინვე მიიღებს. ეს უეჭველად დამთავრდება დაპირისპირებით, რადგან იქაური ბინადარი ახალმოსულს თავის ტერიტორიაზე შემოჭრილ არსებად მიიჩნევს. მათ ურთიერთთან შეჩვევას დრო და მოთმინება დასჭირდება. გაცილებით უპრიანია, ძაღლები თავიდან რამდენჯერმე შეახვედროთ ნეიტრალურ ტერიტორიაზე, მაგალითად პარკში. ასეთი გაცნობის შემდეგ ერთად მიიყვანეთ სახლში. რაოდენ უცნაურიც უნდა იყოს, არ გამოექომაგოთ ახალმოსულს. თავიდანვე უნდა აჩვენოთ მას, რომ აქ მცხოვრები ძაღლი მასზე უპირატესია. არ შეარყიოთ მისი პოზიციები _ ჯერ უკვე დამკვიდრებულ ძაღლზე იზრუნეთ. შეეცადეთ ძაღლები ცალ-ცალკე გამოკვებოთ: ამით თავიდან აიცილებთ მათ შორის გარდაუვალ დაპირისპირებას საჭმლის გამო.
მიღება
ორი მეგობრულად განწყობილი ძაღლი ხშირად ერთად ერთობა; როდესაც ძაღლი თავის მოძმეს თამაშს სთავაზობს, ამისთვის სათანადო პოზას იღებს.
მასალა მომზადებულია "პალიტრა L"-ის მიერ გამოცემული წიგნის "რაზე მეტყველებს ძაღლის ქცევა" მიხედვით