თუმცა, იმისათვის, რომ თქვენს ახალ ბინადარს მომავალი გაულამაზოთ და დაავიწყოთ ის მძიმე წუთები, რაც მან თქვენთან მოსვლამდე გამოიარა, სასურველია, რამდენიმე რჩევა გაითვალისწინოთ:
წინასწარ იფიქრეთ იმაზეც, რამდენ დროს დაუთმობთ თქვენს ბინადარს. განსაკუთრებით ძაღლის შემთხვევაში, რომელსაც ყოველდღიურად ორჯერ მაინც სჭირდება გასეირნება და ვარჯიში.
თუ პატარა ბინა გაქვთ და არ გაქვთ საკუთარი ეზო, ეცადეთ პატარა ტანის ძაღლი შეარჩიოთ, რაც შეეხება კატას, მას არ სჭირდება განსაკუთრებულად დიდი სივრცე.
სახლში მოყვანის პირველ დღეებში ეცადეთ, თქვენს ახალ ბინადარს, რაც შეიძლება მეტი დრო დაუთმოთ, რათა თქვენი ნდობა მოიპოვოს და ახალი სახლიც გაითავისოს.
შემდეგი ნაბიჯები, ასევე მნიშვნელოვანია:
თუ ფიქრობთ, რომ ასაკოვანი კატა ან ძაღლი აიყვანოთ ნუ იჩქარებთ. წამოყვანამდე რამდენიმე დღე მიაკითხეთ თქვენს მომავალ "მეგობარს". მიუტანეთ საჭმელი, მოეფერეთ, გამოიჩინეთ მის მიმართ განსაკუთრებული ყურადღება, რათა შეგეჩვიოთ.
და მნიშვნელოვანი: ყოველთვის გახსოვდეთ, რომ ეს ცხოველები თავშესაფარში ქუჩიდან მოხვდნენ, რომლებიც ერთი ნამცეცი საკვების გამო ათენებდნენ და აღამებდნენ და უმეტეს შემთხევაში სიცივესა და ყინვაში ღია ცის ქვეშ მშივრებს ეძინათ. კიდევ უფრო სტრესსში მიტოვებული ცხოველები არიან, რომლებიც პატრონმა სხვადასხვა მიზეზის გამო დატოვა გისოსებს მიღმა. ყველას თავისი სევდიანი ისტორია აქვს, ამიტომ, თუ გადაწყვეტთ, რომ თავშესაფრიდან აიყვანოთ ცხოველი, აჩუქეთ მას სითბო და სიყვარული, ის ყოველთვის მადლიერი იქნება თქვენი.
იხილეთ ფოტოგალერეა ცხოველები, რომლებიც ცნობილმა ადამიანებმა თავშესაფრიდან აიყვანეს და ბედნიერი მომავალი აჩუქეს.
