ნაიჯელ გრემიმ ცოლისთვის საჩუქრად მინი-პიგი იყიდა. ძაღლისა და კატის ყოლა მათ არ შეუძლიათ, რადგან სემს (ნაიჯელის ცოლი) ამ ცხოველებზე ალერგია აქვს, ამიტომ მათ გადაწყვიტეს იმ გოჭის აყვანა, რომელიც დიდი არ იზრდება.
როდესაც ნაიჯელი ფერ
პატარა ცხოველს გრეისი დაარქვეს
როგორც ჩანს, გრემების ოჯახის ახალ ბინადარს დედ-მამის გენები არ გამოჰყვა, რადგან ხუთი წლის შემდეგ მინი-პიგი უზარმაზარ, 177-კილოგრამიან ღორად გადაიქცა.
ნაიჯელი ფერმერს არ ადანაშაულებს. მისი თქმით, შესაძლოა, გრეისის ზრდა გაძლიერებული კვებისგან იყოს გამოწვეული. ღორი კვირაში 9 კგ. საკვებს მიირთმევს, გარდა ამისა, ოჯახის წევრები მას სხვადასხვა სასუსნავით ანებივრებენ.
გრეისი სახლში დედოფალივით ცხოვრობს. ღორმა უარი თქვა ეზოში გაკეთებული ხის ქოხში ძილზე და ახლა მას ბინაში თავისი საწოლი აქვს, ორთოპედიული მატრასით.
ამასთანავე, ღორს უყვარს დივანზე პატრონთან ერთად ტელევიზორის ყურება.
როგორც ცხოველის პატრონები აღნიშნავენ, გრეისი საოცრად მოწესრიგებული და კარგად აღზრდილი შინაური ცხოველია.
ნაიჯელის თქმით, გრეისი ბუნებრივი მოთხოვნილებებისთვის ეზოში გადის - მისთვის ბინაში სპეციალური კარი გააკეთეს, რათა მან სურვილისამებრ შეძლოს გარეთ გასვლა.
პატრონები არ ბრაზდებიან იმის გამო, რომ მათი "მინი-პიგი" უზარმაზარი ღორი გაიზარდა.
"ის ხასიათით არ ჰგავს ღორს და არაფრით გამოირჩევა ძაღლისგან ან კატისგან. გრეისი ჩემს შვილზე მოწესრიგებულია და მას ყველაზე მეტად ვუყვარვარ", - ამბობს ნაიჯელი.
მეტიც, გრეისმა ოჯახი შთააგონა, კვების რაციონში ცვლილებები შეეტანათ.
ნაიჯელის თქმით, ლორი და ღორის ხორცი საკვები რაციონიდან სრულიად ამოიღეს, რადგან მათი შინაური ცხოველის მიმართ ეს უპატივცემულობა იქნებოდა. ის ოჯახის სრულუფლებიანი წევრია, რომელიც პატრონებს ძალიან უყვართ და გრეისიც მათ მიმართ სითბოსა და მადლიერებას გამოხატავს.
ასევე იხილეთ:
მეგობრებს ეგონათ, რომ ჯუჯა გოჭი იყიდეს, თუმცა, მალე ის 300 კილოიან უზარმაზარ, მაგრამ საყვარელ და ნაზ არსებად იქცა
"მინი-პიგი ვიყიდე, მაგრამ 3 წელიწადში ის ასი კილო ღორი გახდა..."