ქალაქ არმანტერის (საფრანგეთი) მცხოვრებლები სახლიდან უთვალთვალებდნენ მტაცებელს, რომელიც სახლის სახურავებზე გადაადგილდებოდა. თვითმხილველების თქმით, ის შინაური კატასავით სეირნობდა.
პოლიცია, სახანძრო სამსახური და ველური ბუნების დაცვის ნაციონალური მმართველობა გაერთიანდა, რათა დიდი კატა დაეჭირათ.
"ის ულამაზესია, მისი ნახვა რეალურ ცხოვრებაში ძალიან სასიამოვნოა", - ამბობს ადგილობრივი მცხოვრები.
"20-წლიანი მუშაობის განმავლობაში, მსგავსი არაფერი მინახავს", - ამბობს პოლიციის
სეირნობის პროცესში პანტერა პერიოდულად ჩერდებოდა, რათა დაკვირვებოდა, თუ როგორ მიდის მატარებელი ან შინაური კატებისთვის ეთვალთვალა.
საბოლოოდ, მტაცებელი თავის ბინაში დაბრუნდა, ხოლო მეხანძრეებმა შემთხვევით ისარგებლეს, კედელთან გრძელი კიბე მოათავსეს და ფანჯარა დაკეტეს. 10 კგ-მდე ცხოველი, რომელიც 5-6 თვის იქნებოდა, ვეტერინარებმა ტრანკვილიზატორის დახმარებით დააძინეს და გარეულ ცხოველთა დაცვის თავშესაფარში გადაიყვანეს.
სამართალდამცველები აღნიშნავენ, რომ მტაცებლის მფლობელთან სერიოზული საუბარი მოუწევთ.
ველური ბუნების დაცვის ორგანიზაციის წევრების თქმით, სახლში გაზრდილი პანტერა საკმაოდ მშვიდად იქცეოდა და მას ბრჭყალები დაჭრილი ჰქონდა.