ცხოველთა მოყვარული სოციალურ ქსელში პოსტს აქვეყნებს ბათუმელ ტაქსის მძღოლზე, რომელიც კეთილი ანგელოზივით მოევლინა და უფასო ტრანსპორტირება გაუწია მას და მის ქუჩიდან აყვანილ ლეკვს. მეტიც, კეთილმა ადამიანმა შინაურ ცხოველს საკვებიც უყიდა და გოგონა თავის ოთხფეხა მეგობართან ერთად სახლამდეც მიიყვანა.

"მეგობრებო მე დღეს ეს ცუგო ქუჩიდან ავიყვანე. ტაქსი გამოვიძახე და ვშიშობდი, რომ უარს მეტყოდა ტრანსპორტირებაზე. მოსვლისთანავე მძღოლს ვუთხარი მეტს გადაგიხდი ოღონდ ამ წვიმაში ნუ დამასველებინებ ცუგოსთქო. "დაჯექიო". მთელი გზა მძღოლი ხმას არ იღებდა. სანამ დანიშნულების ადგილას მივიდოდი მაღაზიასთან გააჩერა,  ცოტახანში, რაღაც პატარა შავი ფერის პარკით მობრუნდა და წინა სავარძელზე დადო.

მივედით სახლამდე ვხედავ მრიცხველზე ,,ცხრა ლარი და 40 თეთრია"",  გავუწოდე ათლარიანი და მითხრა "ეგ ფული დაიტოვე და ეს პარკი აიღე 3 კილო კორმია წეღან ვიყიდე შენი ცუგოსთვისო". მადლობა მომიხადა, რომ მიუსაფარ ცხოველს დავეხმარე. გავოცდი და ჩემდა უნებურად ცრემლები წამომივიდა. გამეხარდა და ძალიან გამაოცა ამ პატიოსანმა მძღოლმა. ეს ყველაფერი ხდება ბათუმში, ბათუმი სიყვარულის ქალაქია", - წერს სოციალურ ქსელში ცხოველთა მოყვარული გოგონა.

ასევე იხილეთ:

დღის ფოტო: "ტაქსიში ჩავჯექი და ესეთი უცნაურობა დამხვდა..."

"სად მიგყავარ ან რომ მიგყავარ ამდენ პატრონიან და ჯიშიან ძაღლებში შენც დაგცინებენ და მეც სასაცილოდ ამიგდებენო..."

ავჭალაში ნაპოვნი სამფეხა ლეკვის სევდიანი წარსული და იღბლიანი შემთხვევა