კალიფორნიის რამდენიმე რაიონი ხანძარმა მოიცვა. ჰენდელის ოჯახმა 11:00 საათზე ხეობაში ცეცხლი შენიშნა, თუმცა, 11:15 წუთისთვის ის უკვე მათი ფერმის კედლებზე გადმოსულიყო. ადამიანები მანქანებში აუცილებელ ნივთებს ალაგებდნენ, პატარა შინაური ცხოველებიც მიჰყავდათ საშიში ტერიტორიიდან. შეშინებული თიკნები ფერმიდან გაიქცნენ, თუმცა, ერთგული ოდინი, როგორც ყოველთვის, მათ გაჰყვა. პატრონს ცხოველების ძებნის დრო არ ჰქონდა. ა
მომდევნო დღეს ჰენდლი ფერფლად ქცეულ ფერმაში დაბრუნდა. ის საკუთარ თვალებს არ უჯერებდა, როდესაც ოდინი სხეულზე მცირე დაზიანებებით და კოჭლობით შეეგება. რაც მთავარია, მის უკან თხების ჯოგი გამოჩნდა. წარმოუდგენელია, თუ როგორ გადარჩა ძაღლი და მეტიც, მან მთელი არვე გადაარჩინა, რადგან ხანძრის ტერიტორიაზე სხვა ყველა შინაური ცხოველი დაიღუპა.
ამ ტრაგედიის შემდეგ ფერმერს, მის ოჯახსა და ოდინს მოუწევთ ფიქრი, თუ როგორ გადაიტანონ მკაცრი ზამთარი, რადგან მათ საცხოვრებელ ადგილას ფერფლის მეტი არაფერი დარჩა, თუმცა, ჰენდელი იმედიანადაა. ის საკუთარი ძაღლის წყალობით, ნამდვილი გმირობის მოწმე გახდა.
ასევე იხილეთ:
მაშველების მოსვლამდე, ძაღლი პატრონს ხანძრისგან იცავდა
ხანძრის დროს გოგონამ 32 კილოიანი პიტბული ზურგზე მოიკიდა და გაიქცა
