"როდესაც ვიპოვე აღმოჩნდა, რომ ერთი თვალიდან ვერ ხედავდა, ასევე სმენადაქვეითებული იყო. ჯანმრთელობის პრობლემებიც ჰქონდა. როცა სახლის ეზოში შევიყვანე, ფოთლებში ჩაწვა. არც საკვები უთხოვია, თითქოს თვალებით მეხვეწებოდა არ გამაგდოო", - ამბობს ძაღლის პატრონი.
მარკოს თვალებში დღესაც იკითხება სევდა და ამავე დროს სიხარული. იგი 3 წელია, მზრუნველ ოჯახში ცხოვრობს, სადაც დროს ძაღლებისა და კატების გარემოცვაში ატარებს, თუმცა, მისი ერთ-ერთი
როდესაც ირმამ გასაცოდავებული ლაბრადორი იპოვა, ის 4-5 წლის იქნებოდა, მაგრამ სად გაიზარდა და როგორ მოხვდა ის გორში? ბურუსით მოცული ოთხფეხა მეგობრის ისტორია პატრონმა აყვანიდან 3 წლის შემდეგ შეიტყო და აღმოჩნდა, რომ მარკო მართლაც განსაკუთრებული ძაღლი ყოფილა:
როგორც აღმოჩნდა, უმაღლესი კლასის თეთრი ლაბრადორი, სახელად დაბი (დღეს უკვე მარკო), ავღანეთში ამერიკელ ჯარისკაცებთან ერთად მსახურობდა და განაღმვით სამუშაოებს ასრულებდა.
ნაღმის აფეთქებისას გამოცდილმა ძაღლმა ამერიკელი ჯარისკაცი გადაარჩინა, ხოლო თავად სმენისა და მხედველობის პრობლემები შეექმნა.
"4 წლის მარკოს ევთანაზიას უპირებდნენ, თუმცა, იგი იმ სამხედრომ გადაარჩინა, რომელიც ძაღლმა სიკვდილისგან იხსნა,"- ამბობს ლაბრადორის პატრონი.
ის ქართველმა ჯარისკაცმა სამხედრო თვითმფრინავით საქართველოში ჩამოიყვანა, ხოლო შემდეგ გორის რაიონში წაიყვანა და ერთ-ერთ სოფელში გააჩუქა, თუმცა, რამდენიმე ხნის შემდეგ დაბი ბედის ანაბარა ქუჩაში გააგდეს.
ქართველი ჯარისკაცი მას რამდენიმე წლის განმავლობაში ეძებდა, მის შესახებ არაფერი იცოდა და ძალიან განიცდიდა. სულ რამდენიმე დღის წინ შემთხვევით აღმოაჩინა გმირი ძაღლი, რომელიც ავღანეთიდან წამოიყვანა. მათი შეხვედრა საოცარი იყო: "ვუყურებდი და ცრემლებს ვერ ვიკავებდი,"- ამბობს მარკოს ახლანდელი პატრონი.
მარკო დღეს ბედნიერია თავის ოჯახთან ერთად. მიუხედავად იმისა, რომ შიმშილს, დამცირებას და სიცივეს გაუძლო, დღეს ის მოსიყვარულე ადამიანების გარემოცვაში თავს კარგად გრძნობს.
მეტიც, პატრონმა გორში გახსნა მისი სახელობის კლინიკა "მარკო", სადაც მიუსაფარ და პატრონიან ძაღლებს მკურნალობენ.
ასევე იხილეთ:
საგურამოში პატრონმა დედა ძაღლი ახალშობილ ლეკვებთან ერთად მიატოვა და გზა განაგრძო
როგორ გადაარჩინა ტომ ჰარდიმ საუკეთესო მეგობარი ვუდი... ამაღელვებელი ისტორია
თავშესაფარში დატოვებული სევდიანი ძაღლი... თუმცა იხილეთ მისი გამომეტყველება ერთი კვირის შემდეგ