ჩხუბის დროს დაშავებული კატა, თავშესაფარში მოხვედრის შემდეგ, საკვებს არ იღებდა და მთელი დღე გალიაში უმოძრაოდ, მოწყენილი იჯდა. ვეტერინარებმა მისი ევთანაზია (სამუდამო დაძინება) გადაწყვიტეს. საბედნიეროდ, რამდენიმე საათით ადრე, მან ახალი პატრონი იპოვა, რამაც მისი ცხოვრება დადებითად შეცვალა. 

ჟღალი კატა ბენი საშინელ მდგომარეობაში მიიყვანეს თავშესაფარში: მას ხერხემალი დაზიანებული, ხოლო ყური მოგლეჯილი ჰქონდა. სხეულზე კი აღენიშნებოდა რამდენიმე ღრმა ჭრილობა. თავშესაფრის თანამშრომლებმა ივარაუდეს, რომ კატას ზიანი გარეულმა ცხოველმა მიაყენა.



გარდა ამისა, ბენის სახეზე თანდაყოლილი ზედმეტი კანი მოწყენილ იერს უქმნის.



მისით არავინ დაინტერესებულა, ვეტერინარები ბენის ევთანაზიას გეგმავდნენ. თუმცა, ევთანაზიამდე ერთი დღით ადრე, კატა ვეტკლინიკის თანამშრომელმა სახლში წაიყვანა.



მისი თქმით, სახლში მიყვანიდან ერთ საათში ბენი სრულიად შეიცვალა. კატამ კრუტუნი დაიწყო, ახალ პატრონს ეალერსებოდა და თითქოს მისი თვალები სიხარულისგან  ბრწყინავდა.




თავშესაფარში ბენი საკვებსა და წყალს არ ეკარებოდა, გალიაში უმოძრაოდ იყო, მაგრამ ახალ სახლში სიცოცხლით სავსე შინაურ ბინადრად იქცა.



ახალმა პატრონებმა სპეციალურად ბენისთვის შექმნეს ბლოგი, სადაც ცხოველის ყოველდღიური ცხოვრებაა აღწერილი.



ასევე იხილეთ:

მომღიმარი კნუტი, რომელიც თავშესაფრიდან აიყვანეს

ადამიანებმა "ურჩხული" იპოვეს, ის 16 კილოგრამი ბეწვისგან გაანთავისუფლეს და "პრინცად" გადაიქცა

ამ გასაცოდავებული ვეფხვისთვის ბედნიერი ცხოვრება დაიწყო