ვეფხვები, რომელთა პატრონებმაც მათი თავიდან მოშორება გადაწყვიტეს, 3 პუმასთან ერთად კერძო ცხოველთა საშენიდან გადაარჩინეს. ყველა მათგანი გასაცოდავებული და გამოფიტული იყო: ძირითადად შიმშილისგან დაუძლურებულნი, ხოლო ზოგიერთს ბეწვი სრულიად გაცვენილი ჰქონდა.
"ცინცინატი და სხვა ცხოველები იმდენად შეშინებულები და მშივრები იყვნენ, რომ საშინელ აგრესიას გამოხატავდნენ. ვეფხვი დაახლოებით 107 კგ-ს იწონიდა, როდესაც მისი წონა 180 კილოგრამამდე უნდა ყოფილიყო", - ამბობს ეგზოტიკური ცხოველთა გადარჩენის ორგანიზაციის ხელმძღვანელი ანჯელა კალვერი.
"მიუხედავად მისი ცუდი მდგომარეობისა,
"როგორც კი გავუშვით ცხოველებისთვის განკუთვნილ სათამაშო მოედანზე, იმ წუთიდან ყურადღებით ათვალიერებდა ყველაფერს, ხოლო შემდეგ თამაშიც დაიწყო."
"ის ჰგავდა ბავშვს, რომელიც ცხოვრებაში პირველად თამაშობდა."
ხუთი თვის შემდეგ ცინცინატისა და მისი მეგობრების მდგომარეობა გაუმჯობესდა: მათ გადალახეს სტრესი, დაიწყეს თამაში და დაემსგავსნენ ნამდვილ ვეფხვებს.
დღეს ცინცინატი 10 წლისაა, მას ძალიან მოსწონს მოედანზე სირბილი და მზის სხივების ქვეშ ნებივრობა.
ის ნებივრობს აუზშიც...
და ხშირად აბრაზებს 17 წლის ვეფხვს, სახელად სერენას, რომელთანაც თამაში უნდა.
ასე თამაშობენ ისინი ბურთს.
ის მხიარულად ატარებს დროს.
"თვალის ირგვლივ განსაკუთრებული შეფერილობა ცინცინატს უფრო ბედნიერ გამომეტყველებას ანიჭებს, თუმცა, ეს ასეც არის. ის ბედნიერია მას შემდეგ, რაც საშინელ პირობებს დააღწია თავი", - ამბობს ანჯელა კალვერი.
ასევე იხილეთ:
17-წლიანი მონობის შემდეგ, ორი დათვი ცირკიდან ველურ ბუნებას დაუბრუნდა
ლომების გადარჩენისა და ნაკრძალში გაშვების ფოტო კადრები
არავის სჯეროდა, რომ საშინელ მდგომარეობაში მყოფი ძუ ვეფხვი მოხეტიალე ცირკს თავს დააღწევდა და გადარჩებოდა