ყოველი ჯიშის ძაღლს, თავისი ხასიათი და დამოკიდებულება აქვს ბავშვების მიმართ. სანამ თქვენს შვილს თხოვნას შეუსრულებდეთ და პატარა ლეკვს აჩუქებდეთ, მანამდე სასურველია იცოდეთ, რომელი ჯიშის ძაღლი იქნება თქვენი შვილისთვის საუკეთესო კომპანიონი. 

ძაღლი, რომელიც საუკეთესო კომპანიონი გახდება თქვენი ბავშვისთვის:

ბულდოგი
ბულდოგი მშვიდი ხასიათის ჯიშია; ზანტი და თვინიერი ცხოველია. ძალიან კარგად ეწყობა სხვა ცხოველებს და ასევე ძაღლებს, რომლებიც მის გარშემო ცხოვრობენ. ბულდოგს უყვარს ბავშვებთან მეგობრობა. ის თავს კომფორტულად გრძნობს როგორც დიდ სახლში, ასევე პატარა ბინაში. ეს ჯიში ბავშვისთვის იდეალური კომპანიონი იქნება.



ბიგლი
ბიგლი აქტიური ძაღლია, მის გენებში მონადირის ინსტინქტებია, ამიტომ მოუსვენარი და აქტიური ბავშვებისთვის ეს ჯიში საუკეთესო კომპანიონი იქნება. ეს ძაღლი არასოდეს იღლება ბავშვებთან თამაშით, ძალიან მეგობრული და მხირაული ცხოველია. თუმცა, სხვა ძაღლებთან შედარებით მეტ ყურადღებასა და მოვლას ითხოვს.



კოლი
ძალიან ფაქიზი და ჭკვიანი ძაღლია. იოლად სწავლობს ბრძანებებს, აგრესია თითქმის არ გააჩნია. საუკეთესოა ოჯახისთვის, ვისაც სახლში ბავშვი ჰყავს. ის თქვენი შვილის საუკეთესო დამცველი და მეგობარი იქნება.



ნიუფაუნდლენდი
ამ ჯიშს ძალიან უყვარს ბავშვები, ის მომთმენი, კეთილი და მეგობრული ჯიშია. იოლად ახდენს ადაპტირებას ახალ ოჯახთანაც და თუ, სახლში პატარა ბავშვია, ნიუფაუნდლენდი მისი ერთგული დამცველი იქნება.



ვიჟლა
ამ ჯიშის ძაღლის ყოლა კარგია მოზრდილი (6-7 წლის ზევით) ბავშვებისთვის. ვიჟლა აქტიური ჯიშია და იმ ოჯახებს, რომლებსაც უყვართ აქტიური ცხოვრება, მათთვის შესაფერისი კომპანიონი იქნება. ვიჟლა იოლად სწავლობს ბრძანებებს. ეს ჯიში, მშვიდობისმოყვარე და კეთილი თვისებებით გამოირჩევა.



ირნალდიური სეტერი
ამ ენერგიული ჯიშის ძაღლს ძალიან უყვარს ადამიანების გარემოცვაში ყოფნა და მოსწონს ბავშვებთან თამაში. იდეალურია, თუ თქვენ სახლს ეზოც აქვს, რადგან მას სივრცე სჭირდება. აქტიურ და ენერგიულ ბავშვებს აუცილებლად მოეწონებათ ირლანდიური სეტერი, როგორც კომპანიონი ცხოველი.



პუდელი
პუდელი ძალიან ჭკვიანი და ნაზი არსებაა. საუკეთესოა იმ ბავშვებისთვისა და ოჯახებისთვის, რომლებსაც ცხოველის ბეწვზე ალერგია  აქვთ. თუმცა პუდელის მოვლა დიდ დროსა და ენერგიას მოითხოვს; რადგანაც მის ბეწვს ხშირი მოვლა სჭირდება. მისი მომთმენი და მშვიდი ხასიათი ყოველთვის იდეალურს ხდის ბავშვთან თამაშს.



ლაბრადორ რეტრივერი
ეს ერთ-ერთი ყველაზე პოპულარული სახეობაა მსოფლიოში. მას ძალიან უყვარს ბავშვებთან თამაში. მომთმენი, სანდო და კეთილი ძაღლია. მისი დადებითი თვისებები, მეტყველებს იმას, რომ ის საუკეთესო შინაური ბინადარი იქნება ოჯახებისთვის, ვისაც ბავშვი ჰყავს სახლში.



ოქროსფერი რეტრივერი
ეს ულამაზესი არსება ერთ-ერთი საუკეთესო მეგობარი იქნება თქვენი შვილისთვის. ამ ჯიშის ძაღლი გამოირჩევა მომთმენი, თბილი და კეთილი თვისებებით. მას ძალიან უყვარს თამაში და ადამიანების გარემოცვაში ყოფნა.