შვილიშვილმა იცოდა, თუ რა გაამხიარულებდა ბებიას. ეს გახლდათ მისი შინაური ბინადარი პეტსი, რომელიც მან 13 წლის წინ გადაარჩინა. ამ ხნის განმავლობაში, მოხუცი ძალიან მიეჯაჭვა ცხოველს და ისინი მთელ დროს ერთად ატარებდნენ. ამიტომ, შელბიმ გადაწყვიტა, ცხოველი კლინიკაში ექიმებისგან მალულად მიეყვანა.
მან მოიხვია პლედი, პეტსი ხელში აიყვანა და შეფუთა, ისე
"ორსული" შელბი ბებიასთან კლინიკაში მივიდა. ექიმებს უჩვეულო არაფერი შეუმჩნევიათ, ხოლო პატარა პეტსი, თითქოს გრძნობდა გოგონას ჩანაფიქრს, მშვიდად და უმოძრაოდ ემორჩილებოდა მას. როდესაც შვილიშვილმა ოთახის კარი გააღო, მოხუცი ვერც კი წარმოიდგენდა, თუ რა სიურპრიზი ელოდა.
მისი სევდა სიხარულმა შეცვალა. იგი დიდხანს ეფერებოდა და კოცნიდა ძაღლს. პეტსი კი წკმუტუნებდა და ქალის საწოლზე დარბოდა.
"ბებია ყოველთვის განიცდის, როდესაც პეტსის მარტო ტოვებს. კლინიკაში ყოფნისას არაერთხელ ახსენა თავისი შინაური ცხოველი. ამიტომ, ექიმებს თავი ორსულად მოვაჩვენე და შეხვედრაც შედგა", - ამბობს შელბი.
გოგონა არ ელოდა, რომ ფოტოები ინტერნეტ სივრცეში ვირუსულად გავრცელდებოდა და ამ ისტორიით ათასობით ადამიანი დაინტერესდებოდა.
ხნიერი ქალი 3 დღის შემდეგ სახლში დაბრუნდა, რასაც პეტსი დიდი სიხარულით შეხვდა.
ავტორი: იდეა მომეწონა, მინდოდა, ბაბუასთვის მსგავსი სიურპრიზი გამეკეთებინა, თუმცა, არ გამომივიდა. ყველამ გაიგო, რომ მისი საყვარელი, უზარმაზარი გერმანული დოგი კლინიკაში შევიყვანე.
ასევე იხილეთ:
ძაღლი კლინიკაში შეიპარა, რათა პატრონი ენახა
ძაღლი იმ სასწრაფო დახმარების მანქანას გაეკიდა, რომლითაც მისი პატრონი გადაჰყავდათ
