“როგორც წესი, ოჯახი მას უშვებდა და იგი უპრობლემოდ ბრუნდებოდა”, - ამბობს ჯუდი ჯეიკობსი, ტრანსპორტის სამინისტროს თანამშრომელი, - “მათ უჩინარი ღობე აქვთ და ის ბოლო დრომდე არასოდეს გადიოდა ბარიერს იქით. ამჯერად კი ის ადგილობრივ ტბაზე ჩავიდა საცურაოდ, შემდეგ კი, ღამით - სამშენებლო მოედანზე”.
უცნობია როდის, რანაირად და რატომ ავიდა ხეტი კლდეზე, მაგრამ იქიდან ჩამოსვლა უკვე ვეღარ შეძლო.
მშენებლები გაფრთხილებულნი იყვნენ ძაღლის შესახებ”, - წერს MnDOT
შეშინებული ხეტი უხერხულ მდგომარეობაში არ გამოეხმაურა ადამიანებს, რომლებიც ცდილობდნენ მას ჩამოსვლაში დახმარებოდნენ, მაშინ ერთ-ერთმა მშენებელმა იქ მყოფებს ძაღლის გადასარჩენად კლდეზე ასვლა შესთავაზა.
“ძაღლი პირდაპირ კალათაში ჩახტა და ძალიან დამჯერად იქცეოდა”, - წერს MnDOT.
როგორც კი ხეტი უსაფრთხოდ ჩამოვიდა ქვემოთ, გემრიელად მიირთვა, წყალი დალია და მშენებლებსაც კი გაეთამაშა. საბედნიეროდ, მისი საყელური საიდენტიფიკაციო ნიშნით იყო. მისი პატრონები შეტყობინებიდან ნახევარ საათში გაჩნდნენ ადგილზე და ხეტი სახლში წაიყვანეს.
“ჩვენი ოჯახი ძალიან მადლიერია მშენებლებისა, რომლებმაც ხეტი გადაარჩინეს”, - ამბობს ძაღლის პატრონი ჯული ხენდრიქსონი, - “ხეტი ახლა სახლშია და ბედნიერია”.
