დილის დასვენება
დილაობით ძაღლი აქტიურია და გაღვიძებისთანავე ელოდება სეირნობასა და საუზმეს. ვარჯიშისა და კვების შემდეგ, ძილი მოერევა და ცოტა ხნით დაწვება ხოლმე. ყოველთვის აჭამეთ ძაღლს დასვენებისისას და არა გარეთ გაყვანისა და სირბილის წინ; წინააღმდეგ შემთხვევაში, შეიძლება, დაემართოს ნაწლავების გადახლართვა, რაც მისი სიცოცხლისთვის საშიშია.
ჯერაც ფხიზელი
ძაღლი
დასვენების ადგილი
ძაღლები სხვადასხვა ადგილას ისვენებენ. ხანდახან, თუ სხედხართ, თქვენს ფეხრთით, იატაკზე წამოწვებიან, როგორც ეს იორკშირული ტერიერი, თუმცა ასე ალბათ ვერ გამოიძინებენ. მათ ურჩევნიათ, საამისოდ საწოლი ან დივანი მოიძიონ.
მშვიდი პოზა
ძაღლი დასვენების დროსაც, როგორც კი რაიმე საინტერესოს აღმოაჩენს, წამოჯდება და აკვირდება - რა ხდება, ან შეიძლება მაშინვე წამოხტეს და სადმე გაიქცეს. დასვენებისას, ძაღლს მშვიდი პოზა უჭირავს და ელოდება, რა მოხდება. უმრავლესობას არ უყვარს დიდხანს ჯდომა, სამაგიეროდ ურჩევნია დიდხანს წოლა.
მოქმედებისთვის მზადყოფნა
დასვენებისას ძაღლი, როგორც წესი, ასეთ პოზაში წევს - ოღონდ წინა ფეხები გამოწეული აქვს, რათა საჭიროების შემთხვევაში, უმალვე წამოხტეს. მას ჯერაც ვერ გადაუწყვეტია, დასვენების წუთებში განაგრძოს თვალთვალი, თუ დაიწყოს აქტიური მოქმედება.
ყურები
დასვენების დროს ცვერგშნაუცერი უთვალთვალებს ყველაფერს, რაც ხდება მის ირგვლივ; მისი ყურები ოდნავ აცქვეტილია და განზე გაწეული, რაც მის სიფხიზლეზე მიანიშნებს.
მგლური ხასიათი
ზემოაღწერილი დასვენება ახასიათებს გარეულ ძაღლებს, აგრეთვე რუხ მგლებს. გარეული ძაღლები ბუნებრივ საცხოვრებელ ადგილებში დიდხანს წვანან, თუმცა არ სძინავთ და მოელიან, როდის მიეცემათ ნადირობის საშუალება. ასევე, ფხიზლად ზვერავენ იქაურობას, რათა არ გამორჩეთ მოსალოდნელი საფრთხე. მიწაზე დაწოლა დამატებით უპირატესობას აძლევს ძაღლს. იგი ნაკლებ შესამჩნევი ხდება და თავისი შეფერილობის წყალობით, ადვილად ეხმარება გარემოს.
ფრთხილად!
თუ ძაღლს ჩვეულებრივზე მეტხანს სძინავს და უმადოდ არის, ეს დაავადების ტიპური ნიშნებია - მიმართეთ ვეტერინარს!
მასალა მომზადებულია "პალიტრა L"-ის მიერ გამოცემული წიგნის "რაზე მეტყველებს ძაღლის ქცევა" მიხედვით
