"Daily Mail"-ის ცნობით, მამაკაცს სახლში ჰყავდა 12 ტარანტული, 10 გველი და 2.54 მეტრი სიგრძის პითონი, რომელსაც იგი ”ციცქნას” ეძახდა. 2017 წლის 25 აგვისტოს მშობლებს ბრენდონის ოთახიდან ხმაური შემოესმათ, მაგრამ ამისთვის ყურადღება არ მიუქცევიათ. როდესაც შვილი სადილად არ ჩავიდა, ისინი მეორე სართულზე ავიდნენ და იატაკზე დამხობილი შვილის სხეული ნახეს. ”ციცქნას” გარდა ყველა შინაური ბინადარი ადგილზე იყო. მოგვიანებით ის სახლში იპოვეს.
პათოლოგოანატომის თქმით, დაღუპულს თვალების არეში სისხლჩაქცევები აღნიშნება.
მიუხედავად ამისა, კორონერი ანდრიუ ბრედლი ირწმუნება, რომ პითონმა დენ ბრებდობის სიკვდილში დიდი როლი ითამაშა. მისი აზრით, გველმა ადამიანი წინასწარი განზრახვის გარეშე მოკლა.
”მე არანაირად არ ვეთანხმები ”ციცქნას” მხრიდან აგრესიას და მასთან კონფრონტაციას", - ამბობს კორონერი, - "თუ კი რამე მოხდა, ეს მხოლოდ სიყვარულის დემონსტრირება იქნებოდა”.
მისი აზრით, პითონი ან მოულოდნელად შემოეხვია პატრონს, ან წააქცია.
თუ კორონერის დასკვნები სიმართლეს შეესაბამება, მაშინ ეს დიდ ბრიტანეთში პითონის თავდასხმის შედეგად სიკვდილის პირველი შემთხვევა იქნება.
აფრიკული კლდის პითონი მსოფლიოში ყველაზე დიდი გველების ოთხეულში შედის. მათი სიგრძე 6 მეტრს აღწევს და 100 კილომდე იწონიან.
