"Daily Mirror"-ის ცნობით, უტარ-პრადეშის შტატის (ჩრდილოეთ ინდოეთი) მცხოვრებმა სანდიპ პატელმა გველზე დაქორწინება სცადა.
ქორწინების ცერემონიაზე, რომელიც ერთ-ერთ ადგილობრივ ტაძარში მიმდინარეობდა, 12 000-მდე ადამიანი შეიკრიბა, თუმცა, ქორწილი პოლიციელებმა ჩაშალეს.
ტაძარში მისულმა პოლიციელებმა პატელი და მისი მამა საზოგადოებრივი წესრიგის დარღვევისთვის დააკავეს. აღსანიშნავია, რომ სტუმრები იმედგაცრუებულები დარჩნენ და პოლიციის თანამშრომლებს მათ დასაშლელად ზედმეტი ძალის გამოძახება
პატელის თქმით, ღამღამობით მას ღრმა ტრანსში შესვლის შედეგად თავად შეუძლია გველად ქცევა და თავის შეყვარებულთან ურთიერთობა.
მსგავსი შემთხვევა პირველი არ არის. "The Daily Mirror"-ი გვახსენებს, რომ 2006 წელს ინდოეთში, ორისის შტატში 30 წლის ბიმბალდ დასისა და გველის ქორწილი შედგა. ქალი ქორწილში საუკეთესო აბრეშუმის სარით მივიდა, ხოლო ტაძრის მსახურები ერთი საათის განმავლობაში წმინდა მატრებს გალობდნენ. ამასთან, ნეფე ქორწილში არ გამოცხადდა - მის მაგიერ ტაძარში ქვეწარმავლის სპილენძის ქანდაკება იდგა.