მკვლევარებმა ძროხებს, თეთრი საღებავით, ზოლები გაუკეთეს... ექსპერიმენტმა გაამართლა
მკვლევარებმა ძროხებს, თეთრი საღებავით, ზოლები გაუკეთეს... ექსპერიმენტმა გაამართლა
რას არ მოიფიქრებენ მეცნიერები ახალი აღმოჩენებისთვის. როგორი სახალისოც არ უნდა აღმოჩნდეს ეს იდეა, მათ კიდევ ერთხელ დაამტკიცეს, რომ ყოველივე გენიალური მარტივია. თუ საქმე მეცნიერებას ეხება, წარმოსახვა ისეთივე მნიშვნელოვანია, როგორც ინტელექტი.

იაპონელმა მეცნიერებმა გადაწყვიტეს ძროხები ზებრის ფერებში შეეღებათ. როგორ ფიქრობთ, რისთვის?

ძროხების ერთ-ერთი ყველაზე გავრცელებული დაცვის საშუალება ბუზებისა და სხვა მწერებისგან პესტიციდებია.  იაპონელმა სპეციალისტებმა ჩაატარეს კვლევა იმის დასამტკიცებლად, რომ ამ პრობლემის მოსაგვარებლად გაცილებით უსაფრთხო და ბიუჯეტური მეთოდი არსებობს. ექსპერიმენტისთვის მათ სამი შავი ძროხა შეარჩიეს: ფერმის ერთი ცხოველი არატოქსიკური საღებავით, ზოლებად შეღებეს, მეორე -
შავად, ხოლო მესამე შეუღებავი დატოვეს.

Zooclub

ექსპერიმენტის ფარგლებში აღმოჩნდა, რომ "ძროხა-ზებრას" ნაკლებად აწუხებდნენ მწერები - იმ
ბუზების რაოდენობა, რომლებიც ცხოველის სხეულზე ჯდებოდა, 50%-ით შემცირდა და ფერმის ბინადარი მშვიდად აგრძელებდა ბალახის ჭამას. კვლევის შედეგად სპეციალისტებმა აღმოაჩინეს ძროხების ბუზებისგან დაცვის ალტერნატიული საშუალება, რომელიც არ საჭიროებს პესტიციდებით ყველაფრის მორწყვას.

კვლევის ავტორის, ტომოკი კოძიმას თქმით, აიტის (იაპონია) მეცხოველეობის კვლევის განყოფილებაში, ექსპერიმენტის მსვლელობისას ყველაზე საოცარი მისი კოლეგების რეაქცია იყო: "როდესაც ძროხებს თეთრ ზოლებს ვახატავდი, ჩემი კოლეგები ფიქრობდნენ, რომ ვხუმრობდი. როგორც მეცხოველეობის დარგის მკვლევარი, ვფიქრობ, რომ ფერმერები ამ მეთოდს გამოიყენებენ".

ახლო მომავალში  მკვლევარები გეგმავენ ეფექტური მეთოდის შემუშავებას, რათა ძროხების შავ-თეთრ ფერზე შეღებვა გაცილებით გამარტივდეს. ასევე, ცხოველზე არსებული საღებავის შენარჩუნების მეთოდზე, რათა მან 3-4 თვე გაძლოს. გარდა ამისა, ამ მეთოდის გამოყენებას ღორებზეც გეგმავენ.

წყარო: boredpanda.com
ტოტო
ზვიადის-მეცნიერულად,ციფრებით დადასტურდა,რომ კლასიკური მუსიკის მოსმენის შემდეგ ძროხებში იზრდება წველადობა,ქათმებიც მეტ კვერცხს დებენ ... და.აშ. ეგ ფილმი "უდიპლომო სასიძო" მართალია სასაცილოა,მაგრამ თუ გახსოვთ ერთი კარგი დურგალი რამდენ ცუდ ვექილს სჯობს,ან სწავლა არ უნდა და მუშაობა,რომ უნდა. თუ არ ისწავლა,როგორ იმუშავებს. მოკლედ დაანებეთ თავი მაგ სისულელეების ყურებას და საქმეზე გადადით. საწყალმა იაპონელებმა არ იციან,თუ რა გააკეთონ და "უდიპლომო სასიძომ"იცის ,ან უტვინო ზურიკელა,რომელიც ასევე არ სწავლობდა,უსაქმურობდა და ....
gaga
სისულელეა. თუ ერთად მდგარ რამოდენიმე ძროხაში ერთ-ერთი ასეა დაზოლილი თეთრი საღებავით, შეიძლება მას მართლაც ნაკლები რაოდენობის ბუზი დააჯდეს, მაგრამ თუ ყველა ძროხა ასე იქნება შეღებილი მაშინ ბუზისთვის მნიშვნელობა არ ექნება თეთრ ზოლებს, მაინც დააჯდება. მაგალითად თუ მშიერ მგელს ერთ დიდ და ერთ პატარა ნაჭერ ხორცს დავანახვებთ ერთდროულად, მაშინ ის აუცილებლად დიდ ნაჭერს დააცხრება, მაგრამ თუ მარტო ართ პატარა ნაჭერს დავანახვებთ მაშინ ამ პატარა ნაჭერს შესანსლავს. რათ უნდა ამას ექსპერიმენტები! ბუზი ალბათ თეთრ ფერზე უკეთ შავ ფერს აღიქვამს და ამიტომ მოხდა ეგრე.
ჰავლაბრელი ყაიმაზა ელი..
იმიტომაც ყავს ბიძოს ზებრა, რომ ბუზებმა არ შეაწუხონ, ფული მსესხებლებმა და ბუზებმა... ნახეთ რა ჭკვიანი კაცი ყოფილა ტოოო
ზვიადი
გახსოვთ მუსიკის როლი მეცხოველეობაში?
დახმარება
  • რა ვაჭამოთ?
  • ჯიშები
  • სად ვიყიდოთ?
გამოკითხვა
რომელი ბრენდის საკვებს აჭმევთ თქვენს ძაღლს?