აბერდინის სანაპიროს დათვალიერების შემდეგ ლორეინ კალოკჰი და მაიკ რობერთსი სახლისკენ გაეშურნენ.
ნავიგატორმა მათ არასწორი მარშრუტი დაუგეგმა. დაბალწყლიან სანაპიროსთან ლორეინმა დელფინი შეამჩნია და ორივე მისკენ გაემართა. თევზს მაშინვე სველი პირსახოცები გადააფარეს.
ამის შემდეგ წყვილმა დასახმარებლად ადგილობრივი პოლიცია, მაშველები და ცხოველებისადმი სასტიკი მოპყრობის წინააღმდეგ მებრძოლი შოტლანდიური საზოგადოება გამოიძახა. ოპერატიულობის მიუხედავად, ნახევარი დღე მოუწიათ მოქცევის ლოდინი, რომ დელფინი ზღვაში დაებრუნებინათ.
მაშველები ცხოველთან 10 საათის განმავლობაში იყვნენ. გარიჟრაჟზე მოქცევა დაიწყო და ცხოველი ღრმა წყალში დააბრუნეს. დელფინს მალე დაუბრუნდა ძალა. მან ზღვის სიღრმეებს მიაშურა.
რა თქმა
უნდა, წყვილი არ ელოდა სანაპიროზე დიდხანს შეყოვნებას, მაგრამ ისინი მაინც ბედნიერები იყვნენ ერთი ლამაზი სიცოცხლის
გადარჩენით. ყველაფერში კი ნავიგატორის შეცდომა იყო “დამნაშავე”.