გაიცანით ისტორიის მთავარი გმირები: კატა, სახელად მოჩი და პატრონი ჯესიკა შლეიდერი.
ჯესიკა სტოუნი-ბრუქის უნივერსიტეტი ფსიქოლოგიის დოცენტია და მისი ერთ-ერთი მთავარი საქმიანობა გრანტების მისაღებად პროექტების წერაა. როდესაც გოგონა სახლში მუშაობს, მას თავისი კატაც ეხმარება.
მოჩის ძალიან უყვარს ჯესიკას ნოუთბუკი, კერძოდ, მასზე სიარული
ერთ დღეს გოგონა საკუთარი კვლევის დაფინანსების მისაღებად განაცხადს ავსებდა. თანხა საკმაოდ დიდი იყო - 100 ათასი დოლარი. როდესაც მან წერა თითქმის დაასრულა, გადაწყვიტა, რამდენიმე წუთით ძაღლი ეზოში გაეყვანა, ხოლო შემდეგ პროექტი კიდევ ერთხელ შეემოწმებინა, რათა უხეში შეცდომები გაესწორებინა.
პატრონის არყოფნის პერიოდში მოჩიმ ნოუთბუკზე სეირნობა ან დაწოლა გადაწყვიტა - სახლში დაბრუნებულმა ჯესიკამ კომპიუტერის ეკრანს შეხედა და მიხვდა, რომ რაღაც ისე არ იყო: კატამ შემთხვევით პატრონის განაცხადი მითითებულ მისამართზე გაგზავნა.
როდესაც ჯესიკას ისტერიის შეტევამ გადაუარა, მიხვდა, რომ ვეღარაფერს შეცვლიდა და გამოსავალი მხოლოდ ლოდინი იყო.
და აი, რამდენიმე ხნის შემდეგ, კატის პატრონმა შეიტყო, რომ გრანტი მიიღო!
როგორც ჩანს, მოჩიმ იცოდა, თუ რას აკეთებდა. მას პატრონის პროფესიონალიზმში ეჭვი არ შეჰპარვია.
ამის შესახებ ჯესიკამ ტვიტერის საკუთარ გვერდზე დაწერა.
მოჩის იმდენად წარმატებული თათები აქვს, ამის შემდეგ, შესაძლოა, ყოველი დასაფინანსებელი პროექტი ჯესიკამ თავის ბინადარს გააგზავნინოს.
ასევე იხილეთ:
ოფიციანტობიდან - მილიონერობამდე! დადო თუ არა თავისი კატის ფოტო ინტერნეტში, მისი ცხოვრება მთლიანად შეიცვალა