შეიძლება ბევრმა არ იცოდეს, რომელი ფრინველია დედამიწაზე ყველაზე პატარა ზომის და რომელს აქვს ბევრი ისეთი თვისება, რაც არცერთ სხვა სულიერს არ გააჩნია.
გაიცანით- ეს კოლიბრია! ულამაზესი შეფერილობის უნიკალური ფრინველი.

კოლიბრის სხვადასხვა სახეობები არსებობს. მათ შორის გამოირჩევა ხმალნისკარტა, რომელსაც ტანთან შედარებით უფრო დიდი ნისკარტი აქვს.



კოლიბრი იმაზე მეტ საკვებს იღებს, ვიდრე მისი სხეულის მასაა. ის ერთადერთი ფრინველია, რომელსაც შეუძლია ძალიან დიდხანს "ეკიდოს" ჰაერში, ასევე იფრინოს უკან-უკან და გვერდულადაც ვიბრაციული ფრენით. მეცნიერები დიდხანს სწავლობდნენ მისი ფრენის მანერას და მსოფლიოში ყველაზე ნიჭიერ ფრინველად აღიარეს. მის ლამაზ შეფერილობაზეც არავინ დავობს. თითოეულ ამ ფრინველს უნიკალური ნახატით გაფორმებული ბუმბული აქვს.

არსებობს კოლიბრის ერთ-ერთი სახეობა - კოლიბრი-ფუტკარი, რომლის შესახებაც რამდენიმე საინტერესო ფაქტი არსებობს:
კოლიბრი-ფუტკარი არა მარტო ყველაზე პატარა ფრინველია, არამედ ყველაზე ცხელსისხლიანი არსებაა მთელს მსოფლიოში.
როდესაც კოლიბრი-ფუტკარი ყვავილთან ჩერდება და მის წვენს მიირთმევს, ის ამ დროს წუთში 90-ჯერ აფარფატებს ფრთებს;
კოლიბრ-ფუტკარს ფრინველებს შორის ყველაზე ცოტა ბუმბული აქვს;


კოლიბრი-ფუტკარი ყველაზე მაღალი ტემპერატურის მატერებელია ჩიტებს შორის. მისი სხეულის ტემპერატურა დღისით 40 გრადუსს აღწევს, ხოლო ღამე 19 გრადუსამდე ეცემა, რათა მეორე დღისთვის საფრენად ძალები დაზოგოს.
კოლიბრი-ფუტკრის გული რეკორდულად მუშაობს. ამ ფრინველის გული მშვიდ გარემოში ყოფნისას წუთში 300 იმპულსს აკეთებს, ხოლო აქტიურ მდგომარეობაში - 500-სს.