სამოედის მკვრივი ბეწვი საუკეთესოდ შეეფერება თოვლიან გარემოს და სრულიად არ შეესაბამება ცხელ კლიმატურ პირობებს. სამოედებს ესაჭიროებათ ვარჯიშის განსაზღვრული რაოდენობა, სულ ცოტა – ყოველდღიური, ხანგრძლივი, სწრაფი სიარული. საგანგებო კვება არ სჭირდებათ, თუმცა, განსაკუთრებულად უყვართ თევზი.
მონაცემები:
წარმოშობა - ციმბირი
მთავ. დანიშნულება - მარხილის ტარება
ტემპერამენტი - მშვიდი, მეგობრული
სიც. ხანგრძლივობა - 12-16 წელი
მოვლა - ვარცხნა კვირაში 2-ჯერ
ვარჯიში - რეგულარული, ზომიერი
მოდრაჯე - სუსტი
ხვადი
53-61 სმ
20-27 კგ
ძუ
48-53 სმ
20-27 კგ
კუდი
ზომიერად გრძელი, უხვად შემოსილი ბეწვით.
ბეწვი
სქელი, ორმაგი, ვერცხლისფერი ელფერით, თეთრი, კრემისფერი.
ფეხები
წინაც და უკანა ფეხებიც ძლიერი და დაკუნთული აქვს.
თათები
დიდი, გრძელი და ოდნავ ბრტყელი, უხეში ბალიშებით, ამობურცული თითებით, რომელთა შორისაც ეზრდებათ დამცავი ბალანი.
ცხვირი
შავი, ყავისფერი ან ღვიძლისფერი. ეს ფერები ზოგჯერ ეცვლება ამინდის შესაბამისად ან ასაკის გამო.
სახე
საშუალო ზომის, ცხვირისკენ დავიწროებული, `სამოედის გამომეტყველებით", მოელვარე, ცოცხალი თვალებით.
ტანი
კომპაქტური და დაკუნთული ტანი მიანიშნებს სიძლიერესა და ენერგიაზე, აქვს განიერი გულმკერდი და ძლიერი კისერი.
ეს ლამაზი, შრომისმოყვარე ძაღლი ცნობილია შავი ლაშებით, ტუჩის ხაზი კუთხეებში ცოტათი ზემოთ აქვთ აწეული, აქედან მომდინარეობს ფრაზა _ `სამოედის ღიმილი~. ამ გონიერ, წყნარსა და ერთგულ ძაღლებს უყვართ თავიანთი პატრონების ოჯახებთან ერთად ყოფნა. სამუშაო გამოცდილების წყალობით (რაც მემკვიდრეობით მიიღეს), მათ შეუძლიათ დაიჭირონ გადაგდებული ნივთები, ირბინონ, იყეფონ, ასე რომ, უმჯობესი იქნება, თუ მათ ენერგიას წარმართავთ რამე სამუშაოს ან მოქმედების შესასრულებლად. სხვა შემთხვევაში ეს დამოუკიდებელი ხასიათის არსებები სხვა გზას გამონახავენ თავის გასართობად.
რჩევა:
ეს ძაღლები თხრიან ორმოებს და შიგ გასაგრილებლად წვებიან. მათ სქელ ბეწვში ძალზე ძნელია ტკიპის პოვნა.