თითოეულმა ადამიანმა უნდა გაითავისოს ის, რომ ცხოველებს აქვთ უფლებები, რომელსაც იცავს სისხლის სამართლის 259-ე მუხლი და ყველა მოქალაქე ვალდებულია დაემორჩილოს კანონს.
მათ, როგორც ყველა ცოცხალ არსებას, სურთ მშვიდობიან გარემოში ცხოვრება და არავის აქვს მათი ხელყოფის უფლება.
სამწუხაროდ, რიგი საკანონმდებლო აქტების მიუხედავად, მაინც ძალიან ხშირად ხდება
ამ საკითხთან დაკავშირებით გავესაუბრეთ ქალბატონ დიანა სარალიძეს ,რომელიც ასევე პატრონობდა და ხშირად კვებავდა ამ უწყინარ ძაღლს.
"სროლის ხმა ჩემი სახლიდან გავიგე, 15 წუთის შემდეგ ჩემთან მაღაზიის თანამშრომელი ქალბატონი მოვიდა ატირებული, დროზე, ესროლეს, გვიშველეო; ძაღლი სასწრაფოდ გადავიყვანე ვეტერინარ ვახტანგ მამალაძესთან, სადაც მას ჩაუტარდა ყველა შესაბამისი პროცედურა, გადავუღეთ რენდგენი, სადაც ჩანს, რომ მოხვედრილი აქვს საფანტის 13 ტყვია.
3 საათი ვიჯექი პოლიციის განყოფილებაში. მოვითხოვე, რომ დამნაშავე დასჯილიყო. სისხლის კვალი არსად არ ჩანს. მხოლოდ იმ ადგილას არის, სადაც იწვა ძაღლი. ასევე ჩემს მიერ გადაღებულ სურათებზეც ჩანს კვალი, რომელიც უკვე ჩამორეცხილია. საჩივარი, თანდართული რენტგენის ფოტოებით შეტანილია პოლიციაში.
ველოდებით, რომ საქმე იქნება ობიექტურად გამოძიებული, დამნაშავე დაისჯება და გასამართლდება სისხლის სამართლის 259-ე მუხლის დარღვევის გამო. თვითლმხილველები, სამწუხაროდ, სდუმან. ვერაფრით დავიჯერებ, რომ იქ მყოფთაგან რომელიმემ მაინც ვერ ამოიცნო დამნაშავე. სავარაუდოდ, ჩემი ოჯახის ჯიბრზე არის გაკეთებული ეს ყველაფერი, ჩვენ ამ ძაღლს და კიდევ რამოდენიმეს ვკვებავთ ჩვენი ხარჯებით.
სამწუხაროდ, საზოგადოების ნაწილი რატომღაც ვერ ეგუება ამ ფაქტს. დროებით ძაღლი, სახელად „სტრელკა“ წამოყვანილი მყავს სახლში, როგორც კი გამოჯანმრთელდება მსურს, გავაჩუქო კარგ ადამიანზე, რომელიც მოუვლის და იმ საშინელ დღეს დაავიწყებს, რაც ამ ადამიანმა მას გადაატანინა“.
ჩვენ ასევე გავესაუბრეთ ვეტერინარ ბატონ ვახტანგ მამალაძეს:
"ძაღლი თავს უკეთ გრძნობს , მხოლოდ კოჭლობს. საქმე აღძრულია და დამნაშავე უნდა დაისაჯოს. ბოლო პერიოდში ისევ იმატა ძალადობამ ცხოველებზე, რაც საკმაოდ ცუდის ნიშანია.
მე დავწერე ვეტერინარული დასკვნა ძაღლის ჯანმრთელობის შესახებ, რაც ჩაიდო საქმეში და ტყვიების რაოდენობა დაფიქსირებულია - სხეულში 13 ტყვიაა. ველოდებით შესაბამის რეაგირებას პოლიციის მხრიდან, ისინი იძლევიან დაპირებებს, რომ მოახდენენ შესაბამის რეაგირებას ამ ფაქტთან დაკავშირებით და დამნაშავეს დაიჭერენ.’’
Zooclub.ge გაცნობებთ, თუ როგორ ჩაივლის გამოძიება და დასრულდება აღნიშნული საქმე. ასევე უსურვებს უწყინარ „სტრელკას“ გამოჯანმრთელებას და ყველაზე მნიშვნელოვანს, ისეთი პატრონის პოვნას, რომელსაც უზომოდ ეყვარება და ადამიანების ბოროტებას დაავიწყებს.
ადამიანებს არ უნდა დაგვავიწყდეს, რომ ოთხფეხა არსებებს ყველაზე მეტად ვჭირდებით და უნდა შევეცადოთ, ხშირად გავანებივროთ ისინი, დავიცვათ და გავუფრთხილდეთ.
ანი ქარჩავა სპეციალურად Zooclub.ge-თვის
_ _ _
2 წლის შემდეგ ZooClub.ge ამ ულამაზესი ძაღლის ბედით დაინტერესდა.
როგორც გაირკვა, ამ ფაქტის შემდეგ ძაღლი დიანა სარალიძესთან ცხოვრობს. ის სრულიად გამოჯანმრთელდა.
რაც შეეხება ადამიანს, რომელმაც ის დაჭრა, გამოძიების დროს მოწმემ მის წინააღმდეგ ჩვენების მიცემა გადაიფიქრა, შესაბამისად, არანაირი სასჯელი, ან ჯარიმა არ შეეხო.
ერთადერთი რეაგირება, რაც სამართალდამცველებისგან ამ ფაქტს მოჰყვა იყო ის, რომ ეჭვმიტანილი მკაცრად გააფრთხილა საგურამოს პოლიციის უფროსმა.
ფოტო - 2 წლის შემდეგ: