შინ გაწვრთნა
თქვენი ლეკვი ეზოს პირველივე დღეებიდან უნდა გაეცნოს. რეგულარულად მისი გარეთ გაყვანა წვრთნის მნიშვნელოვანი ნაწილია. თუ დაახლოებით დაადგენთ ლეკვის ტუალეტის დროს და ამ დროისთვის სთხოვთ გარეთ გასვლას, იგი ამ მითითების შესრულებას სწრაფად ისწავლის, რასაც სხვა შემთხვევაში რამდენიმე თვე დასჭირდებოდა. თქვენ კი სახლის გაწმენდა ძალზე იშვიათად მოგიწევთ.
რეჟიმის შემოღება
დაიწყეთ რეჟიმის შედგენა – პირველი, რასაც
ენერგიისგან დაცლა
ეზო იდეალური ადგილია ახალგაზრდა ძაღლისთვის ჭარბი ენერგიისგან დასაცლელად.
შესაფერისი სათამაშოები
ლეკვები შესანიშნავად პოულობენ გასართობ საგნებს, განსაკუთრებით, თუ ნამდვილი სათამაშო არ აქვთ. მათი უსაფრთხოების უზრუნველსაყოფად მოამარაგეთ ისეთი სათამაშოებით, რაც მათ ზიანს არ მოუტანს.
ეზოს გაკვეთილები
თუ შესაფერისი ეზო გაქვთ, შეგიძლიათ დაიწყოთ ლეკვის წვრთნა _ ასწავლოთ გადაგდებული სათამაშოების მოტანა (იხ. გვ. 32). როგორც კი ლეკვი მიეჩვევა საყელურს, რასაც ორიოდე დღე სჭირდება, შეგიძლიათ ასწავლოთ საბლით სეირნობა. ამის გაკეთება ადვილია ეზოში, განსაკუთრებით, თუ მას შემოვლებული აქვს მესერი ან კედელი, რაც ორიენტირად გამოდგება სწორხაზოვანი სიარულის სასწავლად. ნუ გაგიკვირდებათ, თუ თავიდან ლეკვი უბრალოდ ზურგზე გაგორდება და საბლის დაღრღნას შეეცდება _ ეს საკმაოდ გავრცელებული ქცევაა. იგი მალე მიხვდება, რა მოეთხოვება. თუმცა ზოგჯერ მაინც გაიწევს სხვადასხვა მიმართულებით, იმის მიხედვით, საიდან სცემს მისთვის საინტერესო სუნი.
სათამაშოს წართმევა
ამ ლაბრადორ რეტრივერს მოსწონს სათამაშოს ღეჭვა. თუ მისი გამორთმევა გინდათ, არ გამოჰგლიჯოთ, რადგან ამით პირს დაუზიანებთ. შეგიძლიათ ასწავლოთ, რომ ბრძანებაზე დააგდოს.
ველურ ბუნებასთან შეხვედრა
სამწუხაროდ, ლეკვები ყოველთვის ვერ აცნობიერებენ, რა საფრთხე იმალება ეზოში, რაც შეიძლება მძიმე შედეგით დასრულდეს. თბილ ამინდში ლეკვებმა შეიძლება გააღიზიანონ ფუტკრები ან კრაზანები და ამ დროს ვერ მიხვდნენ დაკბენის საშიშროებას. მათთვის ძალზე მტკივნეული და საშიშია ნესტრის ჩასობა პირის ღრუში, განსაკუთრებით, ყელის არეში, რადგან ამ დროს ქსოვილი სივდება და სასუნქ გზებს კეტავს. თუ ლეკვს გარეთ თამაშის შემდეგ უეცრად გაუძნელდება სუნთქვა, მაშინვე ვეტერინარს მიაკითხეთ. არანაკლებ საგანგაშოა, როდესაც ლეკვს პირიდან ქაფი გადმოსდის. შეიძლება ბაღში პირი ჩაავლო გომბეშოს, რომლის კანი შხამიან ნივთიერებებს გამოყოფს მტაცებლებისგან თავდასაცავად. თუ ლეკვს ნერწყვის გაძლიერებული გამოყოფა დაეწყო, სასწრაფოდ მიმართეთ ვეტერინარს. ზოგადად, ლეკვი ამ ტიპის გაკვეთილებს სწრაფად იმახსოვრებს და მომავალში, სავარაუდოდ, ახლოს არ გაეკარება ასეთ არსებებს. შეეცადეთ, თავადაც დაადგინოთ თქვენი საცხოვრებელი რეგიონის ველურ ბუნებაში არსებული სხვა შესაძლო საფრთხეები.
მარტო თამაში
ეს პატარა ბიგლი ბურთით თამაშით ტკბება. მისი ყურები წამოწეული და ჩამოყრილია, კუდი აპრეხილი, წინა თათი კი აწეული აქვს. ლეკვს შეუძლია გარკვეული ხნის განმავლობაში თავის თავთან თამაში. ყურადღება მიაქციეთ _ ბურთი ისეთი ზომის უნდა იყოს, რომ ძაღლმა არ გადაყლაპოს.
რჩევა
არსებობს დღეები, როდესაც ლეკვების წვრთნა განსაკუთრებით წარმატებით მიმდინარეობს.