ცხოველთა მონიტორინგის სააგენტოს ხელმძღვანელმა, ვახტანგ ლომჯარიამ თავის ფეისბუქ გვერდზე შემდეგი ინფორმაცია გამოაქვეყნა:
"დღეს დაახლოებით 18:10-ზე ქვემო ფონიჭალაში ცეცხლსასროლი იარაღით ჭრილობა მიაყენეს ღია ფერის მეტისს.
ცუგა გადაყვანილია ჩვენს თავშესაფარში და მალე ჩაუტარდება ოპერაცია.
ხდება თვითმხილველთა დაკითხვა და მიმდინარეობს გამოძიება.
მსხვერპლის მდგომარეობა სტაბილურია და ახლა მთავარი ფეხის შენარჩუნებაა, რაც გამომდინარე მძიმე ტრავმებიდან, ძალიან რთული იქნება."
იმედს ვიტოვებთ, რომ ექიმების ძალისხმევით ძაღლს ფეხი შეუნარჩუნდება.
შემდგომ ინფორმაციას ძაღლის ჯანმრთელობისა და გამოძიების შედეგების შესახებ ZooClub.ge აუცილებლად გაცნობებთ.
